حلو ومرتب تسلم ايديكي ياريت تحطيلنا الشرح

ALZHRA9 ياحياتي مو انا اللي راح اشرح انا انتظر الشرح انا جديده على الكروشيه وابغى اتعلم اللي راح يشرح الحلوه زوجةوفيه
هي استاذتناوهي اللي منزله صور شغلها

الف شكر يا حبايبى على تعليقاتكم الحلوة
والله اخجلتم تواضعنا
حبيبتى نبراس الشرح اهو يا عسل
نبدا باسم الله
1- اعملى سلسلة بطول اصابع قدمك من الامام
2- اشتغلى بطريقة بيضاوية اول سط لحد الخامس بغرزة الحشو
3-هاتلاقى الشغل بدا فى التقوس قيسى على قدمك يعنى لبسى صوابعك الشغل وشوفى اذا دخلت اول الاصابع مرتاحة اذا كانت ضيقة شوية زودى الغرز فى اخر سطر يعنى اعملى كل كام غرزة غرزتين فى غرزة
4-السطر الخامس هاتعملى غرزة اللفة الخلفية لكن بالحشو مش بالاعمدة يعنى هاتدخلى من يمين اول غرزة حشو وتمرى بالابرة عليها وتدخلى فى الفتحة اللى على يسار الغرزة وتاخدى لفة وتسحبيها هاتلاقى فى غرزتين على الابرة اقفليهم بغرزة
5- اعملى 5 اسطر باحشو مرة اخرى ولكن مع زيادة غرزة او 2 فى السطر مع القياس للوصول لوسع الشغل المطلوب لمقاش قدمك ثم اعملى السطر السادس بغرزة اللفة الخلفية مرة اخرى وهكذا
6- استمرى على نفس المنوال ولكن مع مراعاة زيادة الغرز حتى تصلى للوسع المطلوب
7-قيسى الشغل اذا وصل لانه يغطى وجه قدمك بالكامل
8- بعد الوصول لطول وجه القدم المطلوب هاتعدى عدد الغرز فى السطر الاخير
9- اشتغلى السطر اللى بعد كدة منقوص يعنى مش هاتوصلى للاخر لكن هاتوصلى لنصف السطر مع مراعاة انك هاتتركى 5 غرز فى السطر السابق بدون شغل وهاتلفى الشغل وتعملى السطر اللى بعده مع ترك ال5 غرز فى السطر السابق بدون شغل يعنى هاتعملى السطر رايح جاى ولكن هاتتركى 5 غرز فى المنتصف ما بين اول السطر واخره بدون شغل ودى هاتكون فتحة الساق ولكن هنا هانشتغل بالحشو فقط بدون عمل غرزة اللفة الخلفية كل 5 اسطر كما فى السابق
10- اكملى الشغل رايح جاى حتى تصلى للطول المطلوب للحذاء
11- اقفلى طرفين الشغل من عند الكعب بالغرزة المنزلقة من الداخل او ممكن تشبكيهم بابرة الخياطة
12- بلون تانى اشتغلى فستونات حول الاطراف واعملى وردة الفستونة الواحدة باعملها فى اول فتحة غرزة منزلقة- غرزة حشو- عامود بلفة- عامود بلفتين- عامود بلفة -غرزة حشو- غرزة منزلقة
يا رب اكون قدرت اوصل الفكرة
واى سؤال انا تحت امركم

مشكووورة اختي ع الشرح الراااائع

جزاكك الله خيرا شرحك جدا واضح