حبيبتي بنت السراه:34:
ألف ألف ألف صحة وهنا يارب((( ودي أرسلك ها الصحن على طبق طائر)) إنتي تأمري ياعسل هيه أعطيني العنوان...؟؟؟؟:42:
حبيبتي... الرز الأمريكي أحسن نوع في السليق لأنه ياخد وقت لين يشرب مرقة السليق...يعني بالمفتشري((الرز يمخمخ )) عرفتي.... وفعلا ياقمر أبو بنت وأبو السيوف وأنكل بنز كلها تصلح للسليق ودام إنك في غربه...راح أوصف لك الرز كيف يكون لما تشتريه....تعرفي طبعا رز الكبسه كيف يكون حبته طويله صح..؟؟؟؟ رز السليق يكون دبه شويه لما تشتريه وتحسيه ماله روس مدببه زي رز الاكبسه والرز الأبيض... بس إصحك والرز المصري((مدري مين مطلع هدي الإشاعه إنو الرز المصري يصلح سليق))؟؟؟؟والرز ياعيني أنا إللي أقصده مو إنه ماينهرس ...لأ ... أنا أقصد إنه ماينغرف مهروس ... يعني لما تشوفي السليق في القدر تشوفي حبات الرز كلها متالصقة ببعض وماهي مهروسه..بس لو مسكتيها بين أصابعك أو ضغطتي عليها بالملعقة تنهرس...فهمتي قصدي؟؟؟؟
والمرق ياقلبي لازم تتوصي فيه لأنه يشرب مويه كثير.. لأنه مو مره وحده تنحط له مويه...لأ كل شويه لازم تزيدي على حسب:time: ماياخد الرز معاكي..خلي عندك المرق على جنب في صحن عميق...وخليها جنب الرز...وكل ماحستي الرز نقصت مويته زوديها لين تتوصلي لوصف الرز إللي وصفته لكي قبل شوي....ودائما طبعا المويه تغطي الرز...وإدا إستوى الرز بس المرق كثيير فوقه...إكشفي عن القدر الغطا وعلي عليه النار علشان تتبخر المويه..بس إنتبهي لاينحرق قلبيه بشويش..
وشكرا ياقمر على مرورك الكريم وأي سؤال أنا حاضرة...
أم زياد ويزيد
ألأف عافيه وهنا....ويالله تعالي ندخل المطبخ سوى حتى أنا جعت..:32:
abeer najd
حبيبتي الحمد لله إنك دايقته قبل كده...وفعلا كل ماتركزت مرق اللحم في السليق كل ماكان ألد...ونصيحتي في السليق...اللحم طازج..ورأس الخروف ترى مرقته طييييييييبه جدا في السليق حتى لو كان في الفريزر يعني مو طازج...يطلع يجنن...بس الدبيحة الجايه إنشاء الله سوي السليق على طووووووول بدون ماتناقشي أحد..:30:
عوافي ياقمر...
بشاير
ماعاااااااش حبيبتي إللي يزعل أهل المدينه...ترى من جد يابنات أ÷ل المدينه سليقهم على أصوله....بس والله يابشاير إنه سليق الطائف مافي مثله...ولاتزعلي كله سليق ياقمر...:11:
بالعافية على الجميع
يا بنت السراه بما إنك في الغربة أكيد مليان رز أنكل بنز :cook: في المحلات ان شاء الله تحصلينه
شكرا على الوصفة