سويت من فتره سمك صيني بس متكاسله مانزلت لانه مسكين كمبيوتر كان فاقد نص الذاكره بعد ما عالجته قررت اليوم اجلس وانزلكم هو وتشوفوه فحياكم اخواتي
طبعا بصل مقطع مربعات صغيرهوثوم وقليل من الزنجبيل مفرومين
وفلفل رومي مقطع مربعات واذا تبغي ملون عادي اللي عندك انا كان عندي الاخضر بس للاسف كان مثلج بس ماشي
فليه سمك مقطع الى مربعات وحطيت عليه ملعقة صويا صوص بعدين حطيته على الدقيق الدقيق فيه رشة كمون وفلفل اسود وملح وزنجبيل مطحون وبعدين قليته بالزيت وصفيته من الزيت
حطيت2 ملعقه من الزيت وحطيت البصل والثوم والزنجبيل وقلبتهم
وبعدين حطيت الفلفل الرومي
وحطيت السمك وقلبتهم مع بعض
وحطيت رشه من ملح الليمون وزنجبيل مطحون وكمون وفلفل اسود وقلبتهم
صبيت عليه كوب ماء مغلي وتركته خمس دقائق
وبعدين سلقت رز ابيض منقوع وبعد ماسلقت وصفيته من المويه حطيت عليه بازلا وذره وقليل من الزيت وغرفته مع السمك
وهذا الصحن رشيت عليه بصل اخضر مفروم
ترى انت اذا مجهزه كل شيء ماياخد منك ساعه في الطبخ
وعليكم بالعافيه يارب