في ناس كتير بتقلي السمك الفيلية بالدقيق ، لكن احيانا بيكون ناشف شوية ومش جديد ف طعمه برضه .
جربوا تعملوه بالخلطة اللى حاقولكم عليها دي وان شاءالله يعجبكم
على فكرة الخلطة دي ف الاساس بنعمل بيها سمك الموسى ( الغطيان) لان زي ما انتم اكيد عارفين انه رقيق جدا ، فالخلطة دي مش بتخليه ينشف لما يتحمر
ولما استخدمتها مع السمك الفيلية طلع حلو وجديد .
مش ح اطول عليكم اكتر من كده ، الموضوع سهل جدا
طبعا الاساسيات :
سمك فيلية مقطع قطع متوسطه ف الحجم وفي السماكة ، انا استخدمت هامور مخلي
طبعا ح يتبل بالملح والكمون والثوم ونسيبه شوية
وبعدين نعمل الخلطة اللى هي عبارة عن :
كاس دقيق + بيضيتين + 1/2 كاس ماء + ملح + فلفل
ح نحطهم كلهم ف الخلاط ونضربهم ، النتيجة المفروض انه تكون خليط زي بتاع عجينة القطايف كده بستيكون اسمك شوية منهاعلشان تثبت على السمك ، وممكن تزودي دقيق او تقللي علشان تضبطيها بالقوام المطلوب . بس ما تخليهاش سائلة قوي وما تبقاش عجينة قوي ، يارب تكونو فهمتوا قصدي .
على فكرة انا بعملها بالنظر من غير مقادير وبشوف هيا محتاجة ايه وأحطة :D
ح تكون زي دي
طبعا تسخنى الزيت شوية وتحطي السمك ف الخلطة السائلة وبعدين تحطيه ف الزيت الساخن
حتى ساعات علشان الخلطة نفسها طعمها حلو احط منها بالمعلقة على السمك وهو بيتحمر علشان سماكتها عليه تزيد شوية :30:
وتقلبيه على الجنب التاني بعد مايتحمر ويبقى لونه ذهبي ، طبعا السائل لما ينزل ف الزيت ساعات ياخد شكل غير منتظم . بس المهم الطعم :39:
على فكرة الاحسن انك لما تشيلي السمك من بعد القلية الأولى تشيلي بالمصفاة الحاجات من الخلطة اللي بقيت ف الزيت علشان ما تخليهوش يتحرق و يبقى غامق ويغمق السمك .
ويا رب تعجبكم .. وتكون فكرة جديدة للبعض منكم :39:
يعطيج العافية