السلام عليكم
كيف الحال اخباركم اخواتي
معروف بعد الولادة الوحده تزيد لها كم كيلو وبعضهم يرجع جسمها وبعضهم لا
طبعا انا فيني هوس رشاقه ابي دايم جسمي حلو واحاول قد مااقدر اني اوصل للوزن المثالي والحمدالله وزني دايم في حدود الطبيعي
لكن بعد ولادتي الاخيره زدت تقريبا15 كيلو ورجعت نزلتهم والحين باقي لي شي بسيط4 كيلو الحمدالله
طبعا عند الناس واضح جدا جدا جداااااا اني مااحب احد يقول عني انه سامنه وواضح اني اجاهد عشان انحف
ودايم المح واقول اللي يشوفني سامنه رجاء يحتفظ برايه اتضايق جدا واخواتي محترمات هذا الشي وبالعكس خواتي يشجعون ويقولون ناحفه طبعا الحين الحمدالله رويانة بس يبيلي احافظ والله ييسر يارب
زبدة هذا الكلام
اخت زوجي واااه منها تدري اني اكره السمنه ودايم احاول انحف عاد هي عرفت نقطة ضعفي وقامت تستهبل علي
اذا دقت علي ياهلا في بطتي اهلين في البطه انا خلاص بسميك بطه لانك سمنانه
انتي بطوطه
تجيبها بأسلوب وبنفس الوقت تغثني وتستفزني
احسبها سالفه وراحت وصار اسمي البطه كل ماشفتني هلا بالبطه
تستفزني الله يصلحها مادري شلون اتصرف معه
قلتلها خلاص لاتقولين بطه وش دعوه كل ذا الرجيم والنحف اللي نحفته وتسميني بطه يختي احترمي ريجيمي ههههههههه
بس لاحياة لمن تنادي واللي فهرني امس توريني جوالها تقول غيرت اسمك للبطه اهي اهي وش الحل كيف اتعامل معها عجزت اطنش حتى زوجي يقول شفتي تقولك بطه دليل انك مازلتي سمينه عاد انا بغيت اتفلت عليه شوي واكفخه واكفخ اخته معه
الله يهديها احسها قاصده تستفزني ليش تسوي كذا ابي التعامل المناسب المثل هاالنوعية :
بلنسيا @blnsya
محررة برونزية
يلزم عليك تسجيل الدخول أولًا لكتابة تعليق.
بلنسيا
•
ياحبيلك ههههههه
[Faith]
•
حبيبتي ليش كذا ، يكفي نحفتي ومشتغله على نفسك وماشالله قربتي من المثالي ،
المفروض نفسيتك تكون عاليه من انجازك ، وخليها تقول بطه الين ماتنفقع عااادي ،
اذا قالت بطه قولي احلى بطه في الدنيا ،
مشكلتك بينتي نقطة ضعفك وموقادره تغطي ، لو حست هالشي ماياثر فيك مصيرها تسكت ،
وانا اشوف بطه دلع مستفز مو شي جارح ،
خلي ثقتك عاليه في نفسك وخليها تقول بطه ، لدرجة لو قالت قدام احد حسسيها انها تمدح ، قولي شوفو تحبني وشايفتني جميله واضحكي ،
المفروض نفسيتك تكون عاليه من انجازك ، وخليها تقول بطه الين ماتنفقع عااادي ،
اذا قالت بطه قولي احلى بطه في الدنيا ،
مشكلتك بينتي نقطة ضعفك وموقادره تغطي ، لو حست هالشي ماياثر فيك مصيرها تسكت ،
وانا اشوف بطه دلع مستفز مو شي جارح ،
خلي ثقتك عاليه في نفسك وخليها تقول بطه ، لدرجة لو قالت قدام احد حسسيها انها تمدح ، قولي شوفو تحبني وشايفتني جميله واضحكي ،
الصفحة الأخيرة