gogitta @gogitta

محررة برونزية

السمينه والنحيفه والمتوسطه والرشيقه..تفضلو

مرحباا بنات قبل شوي كنت يالسه اتابع قناة اقرا برنامج اسمه مجلة المرأه اعتقد..المهم كانو يتكلمون عن

السمين اذا يبى يضعف والضعيف والرشيق عشن يحافظ على صحته لي هي اهم شي شو يتبعون

اللهم صلي وسلم على نبينا محمد..بقولكم لي اتذكره عشن الطبيب قال واايد اشيا وكلها كان يوصي بها نبينا الكريم.. المهم

في نااس ياكلون للمتعه يستمتعون وفي ناس ياكلون ويصيبهم الهم لأنه يقولون اووه كلت واايد وهذا فيه واايد سعرات حراريه و و الخ...

فقال ان المفروض الانسان يخلي بطنه ثلثه للأكل وثلث للشراب وثلث للهوا.. ترا مهم انكم تخلون مكان للهواء

عشن نفسكم ماينكتم والدم تكون حركته بطيئه جدا جدا فالجسم وهذا ممكن يؤدي للوفاه ...وطبعا الرسول وصى

من الف واربعمئة سنه ان وقت الاكل الثلث للطعام والثلث للشراب والثلث للهوا..

وقال الرسول انا قوم لا ناكل الا اذا جعنا واذا اكلنا فلا نشبع..يعني الواحد منا لازم ماياكل الا وقت الجوع ويوم ياكل مايشبع نفسه لازم يخلي مكان للهوا والماي عشن الشبع يسبب التخمه لأن اذا شبعنا ما بيكون في مجال للماي والهوا يدخلون فهمتو..يارب تكونون فاهمين علي أول مره اشرح فالتغذيه لول

بعدنا ماخلصنا.. وقال الطبيب ان في ايه تقول وكلو واشربو..يعني اول كلو الشراب اخر شي..

وفي ايه بعد ناستنها فيها وفاكهة وابى ولحم طير مما يشتهون ..المهم هذا بما معنا ان قبل الغدا مثلا
كلو فواكه...لأن الفواكه في ماده سكريه اسمها فركتز اعتقد قال هالماده يوم تدخل المعده تسير للمخ
وتنبهه انه في طعام قادم فمايقوم المخ يشهي بالغدا واايد فبالتالي ما بتاكلون عالغدا زياده عن حاجتكم
والفواكه مافيها سعرات حراريه واايد مثل الدياي والخبر والرز وغيره..(ملاحظه هالنقطه مب عارفه اشرحها زين
بس انشالله تكونو فهمتو علي..واذا ما فهمتو انا جاهزه لأي استفسار)

وقال الطبيب ان الرز سعراته اقل من الخبز.. اوكيك

وشو بعد قال..نسيييت اذا تذكرت أي شي بخبركم... وقبل شوي حطووه مره ثانيه في قناة سمارت
وقبل قبل شوي شفته مباشر على اقرأ.... بس كلامه واايد حلو وكله من السنه والقران..

هييه صح قال..ان لاتحرمون نفسكم من شي لأن الرسول في له حديث بما معناه ان ريال قال له
انا اصووم دووم والثاني قال له انا كله اتعبد و والثالث قاله انا اكل كل شي الا اللحوم..

فالرسول قالهم انا اصوم واتعبد واكل اللحم واتزوج وهذي سنتي ومن رغب عن سنتي فليس مني..
مب قادره اتذكر الحديث زين بس بما معناه ان لاتحرمون نفسكم من شي الا اذا كنتو بطبيعتكم ماتحبونه

فالريجيماات لي يحرمونكم من اكلات هذي غلط وبعود لكم بضرر اعتقد جذه قال..

والرسول مره سار عند قوم فالاكل كان ضب..فالرسول قالهم انا ما احرمه ولا احلله
بس هذا مب من عادات قومي عشن جذه ما اشتهاه الرسول...فاذا انتو بطبيعتكم
ماتحبون شي عادي مب لازم تاكلونه..اما اذا تحبون شي وتحرمون نفسكم منه فهذا الغلط..

وقاال.. وقت الاكل لاتحطوون مية صنف ...صنف واحد او اثنين يكفي..لأن اذا كثرتو الاصناف بتاكلون من هذا وهذاك وهذا وهذاك فبتمتلي معدتكم...

واهم شي وجبة الافطار..واحسن شي فالصباح تاكلون سبع تمرات وتشربون مااي
هذي بتخليكم تشبعون بسرعه ومافيها سهرات حراريه كل تمره 20 سعره اما الخبز
لوحده يمكن ثمانين او ثمانمية سعره والله ما اذكر..

وبين الوجبات حاولو ما تكلون..لأن المعده يوم تجوع احسن لها عشن تهضم الطعام الاولي كلله
ومايتم يتخمر فالبطن وبالتالي ما تصير الامراض للأنسان..فاذا يعتو بين الفطور والغدا
لا تاكلون تحملو واذا مره مره جعتو كلو حبة فاكهه او شي خفييف جدا ومفيد..

وبسس..اعتقد هذا كل الكلام لي قاله... وهو مفيد وصحي واللي عنده سمنه راح يضعف والضعيف صحته راح تتحسن اكثر واكثر...

وهالشي اذا عودتو عليه بناتكم من الصغر بتشوفون كيف صحتهم بتتحسن ومابيظهر لهم سليوليت وسمنه وهالخرابيط...طبعا هالنقطه الاخيره من عندي لأني سامعه منزمان ان اللي تغذيته زينه ويسوي رياضه من الصغر ما يخترب جسمهم ويطلع لهم سليوليت وحبوب وبقع..

749

يلزم عليك تسجيل الدخول أولًا لكتابة تعليق.

تسجيل دخول

بنــ الامـــارات ـــت • 19 سنة

تسلمين على هذه المعلومات ويعطيج العافيه

محبة الشافعية • 19 سنة

تسلمين حبيبتي على المعلومات واذا تحبي اذكرك بالاية وهي ( وفاكهة مما يتخيرون ولحم طير مما يشتهون ) اللهم صلي على سيد البشر اجمعين ومخرجهم من الضلال الى الحق المبين

محبة الشافعية • 19 سنة

أختكم*هبه* • 19 سنة

موضوع رائع وجزاكى الله خيرا عليه