معليش اختي الغلط من من الناس
الغلط من تفكيرك
لازم تعودين نفسك وتأقلمينها ان حياتك مو زي حياة غيرك
وترضين باللي انت عايشته
لو الانسان بيجلس يحط نفسه بمقارنات ما اقتصر على السناب شات
كل شي في الدنيا بيخلينا نقارن
اللي عنده غرفة يتمنى جناح واللي عنده جناح يتمنى شقة واللي عنده شقة يتمنى الدبلوكس واللي عنده دوبلكس يتمنى فيلا
واللي عنده قبو يتمنى مسبح واللي عنده مسبح يتمنى ....
واللي عنده اولاد يتمنى بنات واللي يطلع يوميا يتمنى يجلس ( ترى والله سمعتها من صديقتي تقولها لصديقتنا الثانية تقول : ياحظك ياليت اجلس زيك في البيت والاقي وقت لنفسي ! )
واللي موظفة تتمنى تكون ربة منزل بس يمشي لها مصروف وترى بعض الموظفات يطالعون لبس ربة البيت ويقارنون ويتضايقون بالذات اللي ما تقدر تصرف على نفسها كماليات وتشوف بعض ربات البيوت عندهم هذي الكماليات وتنقهر ليه انا اكرف ولا اقدر اشتري ويالله راتبي يكفي وذيك نايمة وعندها
وفيه ربات بيوت يتمنون الوظيفة ويغارون من الموظفة
ويالله مجتمع كل واحد فاتح عيونه على اللي عند غيره بدون ما يفكر في :
قول الرسول عليه الصلاة والسلام : من اصبح آمنا في سربه معافى في جسده معه قوت يومه فكأنما حيزت له الدنيا


ولو الوحده فينا اذا بدا الشيطان يضايقها ويقهرها تتذكر فلانه مريضة السرطان وتدعي لها وان ربي يخليها لعيالها وتحمد ربها على عافيته
وتتذكر فلانه اللي مطلقة واهلها فيهم وفيهم وما عندها وظيفة وحالتها ما تسر العين
وتتذكر الدول اللي حوالينا وعيالهم وحالتهم الله يردهم لبلادهم معززين مكرمين ويفك عوزهم والحمدلله على نعمة الامن


وتتذكر اللي اقل منها
صدقيني بترضى في قضاء الله وتحمد ربها على عافيته وتشوف ان واقعها اللي تحسه ممل يكفيها بس لا يصير اسوء
فالقناعة كنز لا يفنى
والانسان هو اللي يربي نفسه عليها وبعض الاحيان النفس تطلب لكنه يرجع يربيها ويحارب فتنتها في الدنيا ويهذبها
لان الانسان اذا اعطاها فرصة بيستمر ثم مهما صار بيده ماراح يعجبه

معليش اخواتي بعارضكم ياللي تقولون الغلط مو من السناب منك
لاني اشوف الناس اللي حولي وعندهم سنابات الوحده تسافر وتطلع وتزعل بعد عند اهلها لين يسفرها زوجها بس علشان تصور
وقبل هالبرنامج مايطلعون ولا يجون بالشكل هذا بس علشان تصور للناس انها كل يوم تتمشى
او انها تسوي عزيمه ولا تعزم فلانه علشان توريها بالسناب وتقهرها
البرنامج هذا ان اشوف انه سبب مشاكل بين الناس الغيره والحسد والمقاطعه كلها وراها هالبرنامج
وحتى اللي مافي بالها غيره وراضيه راح تتاثر اكيد احنا بشر محنا ملائكه
وياصاحبه الموضوع حتى لو حذفتيه بيقولون من قهرها حذفت

• احذفيه وريحي راسك
• صاحب جوزي حالته المادية تحت الصفر يقول لجوزي زوجتي جننتني بالتصوير ماتشوف كيكة ولا حفلة الا تصورها وتنسبها لنفسها واحنا مو لاقين ناكل
• انا اشوف السناب للناس الهيلق هههه على قولة اخواننا الكويتين
• قولوا عني رجعية فكر قديم بس انا ضد السنابببببببب
• وسلامتكم

والله قمة الملل والفضاوه اني اتفرج على حياة الناس وش فطرو وفين راحو واش قالو والخ
انا حتى الانستقرام ماني ضايفه الا الناس اللي استفيد منهم بس اللي ينزلون اكلهم ونومتهم وسدحتهم وتمشيتهم مستحيل اضيفهم احس ماعندي الفضول اني اتفرج على احد مااعرفه واتابع يومياته الا لو استفيد !!


فاستبدلي حساباتهم بشي يفيدك دنيا واخره ,,

إحذفي السناب وارتاح
والله انا ارتحت لما حذفت الانستقرام
ارجعه بس اذا احتجت شي مهم وبعدين ارجع احذفه