السناب شات هدم حياتي ✋️

السلام عليكم ورحمة الله وبركاتة
كيف حالكم خواتي جميعا 🌹
طبعا موضوعي اليوم مهم جدا !!! وطرحته عشان الحريم اللي ع نياتهم يصدقون كل شي وهذا اللي اثر على نفسيتهم وعلى حياتهم الزوجية مع الاسف 😡
وحده من جماعتنا لبس اولادها من بقايا الماركات اللي بسوق المجد وزوجها المسكين مراسل في وزارة راتبه مايتجاوز ٤ الاف
المهم اختي دخلت علي متضايقة تشتكى من حظها الردي وكيف زوجها مايهديها ولا يطلعها ولا يمشيها !!!! وتقارن حالها بحال قريبتنا
قلت لها فلانة ع قد حالها الضعيفة
قالت ابد شوفي سنابها!!! خذيته ودخلت
الله الله شفت ركن قهوة وحركات وشموع
ومره مصوره كيكة وركن حلويات ومره مطعم ومره حديقة ومره ومره
معقول ؟؟؟ بيوم وليلة تحولت افنان الباتل !!!!
اتصلت عليها وقلت ماشالله وش هالعز وش هالنعيم الله يزودنا وياك يارب ضحكت من قلبها قالت اية عز واية نعيم !!
هذا لزوم التصوير وفقع مرارة الاعداء😳
قالت اروح ايكيا واخذ لي كم شمعه وكم كوب ومفرش طاولة
وطاولة صغيرة وهات ياتصوير واتابع تغطية مطاعم الرياض واطلع انا وعيالي وهات ياتصوير ع اساس اني اتعشى او اتغداء انا وزوجي
اروح محلات المكياج واصور العطورات الجديدة والميكاب ع اساس انه هدية من زوجى 😈
وبس اشوف زوجي مروق اقول عطني يدك وحنا بالسيارة واصور يدي في يده
سالتها طيب واللي يدخلون خاص عليك ويسالوك قالت عادي اعطيهم من الكلام الرخيص 😅ويصدقون
سالته طب ليه الفلم هذا !!! قالت اقهر خوات زوجي واقهر حريم اخواني واقاربي واصور لهم حياتي انها جنة وسعادة
وتجي اللي على نياتها مثل اختي وتندب حظها وان الحريم مدلعات ومرفهات وازواجهم خواتم بيدهم
مع الاسف هذى هي حقيقة السناب شات
ولكم التعليق