الحمدلله ماعمري أضفت كل من هب ودب ولا أتابع حسابات بس تستعرض وشدخلني بحياتهم الخاصة...؟! متني مضطره أتابع تحركاتهم وأضيع وقتي عليهم.

طيب سؤال هي الحين لما تكيد وتقهر خوات زوجها والباقين وش تستفيد...؟؟؟ وبعدين وش تكملة القصه ونهايتها...؟؟؟ وليته صدق أستغفر الله.. الله يعافيها ولايبلانا..

السناب شات فيه نوعين من الناس , نوعية مهايطية اساس سناباتها هياط وانها فلة ونفس حركات الي انذكرت بالموضوع انها تقهر فلانة وترفع ضغط علانة وتكايد فلانة وهذه قد مرت علي واحدة ضايفة ثنتين يكرهون بعض عشان تكايد الاولى تروح عند بيت الثانية وتصور وتقول احلا جمعة مع فلانة ويقهرون الاولى هههههه وكذاوفي نوعية الي مجرد تحط يومياتها او تتكلم بشكل مو مهايطي وهذه الي فاهمة السناب صحشخصياً أي احد من هالنوعية هياط واستعراض ما اضيفهم , يادوب اضيف اخواتي وصحباتي القريبات جداً وحسابات مفيدة مثل الشقيري وغيرهالعبرة بطريقة استخدام السناب ولا البرنامج نفسه يعجبني خاصة لو منهم مغتربين يحطون لي صار بيومهم وتحسي انهم قريبين

أنا من وجهة نظري
مع احترامي للجميع
السناب برنامج هبال
الدنيا على اسمها دنيا
عشت بقصر والا بكوخ
اشتريت ماركات والا من سوق أبوعشره
طلعت والا بالبيت خير ليش اعلم الناس
وش يعني وش صار لعقول الناس
وش صارخلى كل شخص يبغى يصورحياته
حتى اللي بتقول فيه اشياء حلوه ومفيده
معهاحق بس بتتشتت النت مليان فوايد بغيرهالسناب
الله يلغيه ونرتاح من البلاهات اللي وصلنالها
أحزن لماااشوف بنت تكبرت على عيشتهاعشان السناب
أو لما اشوف وحده عندهاخير وجالسه تستعرض نعم الله على الخلق
وصلنا لمنحدر كبيرجدا
وجالسه اتفرج واسمع المآسي والتفاهات اللي بتجيك كل يوم
من اي مكان وعن طريق أي أحد

الحمدلله الذي عافان