السنامكي للتخسيس وعن تجربتي الشخصيه

بجد انافرحت بيكو اوي وان انتورديتو عليا بسرعه كدا .علي فكره انابحس في المنتدي بعزوه انامفتقداها في الحقيقه ومع مواضيعي هتعرفو يعني ايه فقد العزوه.ندخل بقي في الموضوع.انالاحظت هنا في المنتدي بنات كتير بتدور علي اي طريقه تخس بيها واناكنت زمان زيكو ليا صولات وجولات مع السمنه والنحافه لكن الحمدلله بفضل الله انادلوقتي وزني تقريباً ٦٧وطولي ١٧٣.طبعاً انا زي كل المصريين بعشق الاكل والرمرمه .شيبسي شكولاتات فشار بيبسي والكارثه طبعا الحلويات والعيش الفينو.من حوالي كام سنه كان عندي امساك فظيع وجارتي في مصر قالتلي علي عشبه اسمها سنامكي وعندنافي مصر اسمها سلاميكا.جربتها لقيتها ممتازه وريحتني جداً من الامساك وواظبت علي استخدامها وبعد ٦شهور اتفاجأت كل هدومي وسعت جداً عليا وكل محد يشوفني يفتكرني تعبانه من كتر الخسيه وطبعاً باين اوي عليه لاني طويله المهم من غير رغي كتير اكتشفت ان التغيير الوحيد في نظامي مشروبي الجديد .وطبعاً مع المشروب دا كنت بحافظ جدا في الاكل .بطلت المشروب دا فتره لقيت وزني بدء يزيد تاني .بعد مكنت وصلت ل٦٠رجعت ل٦٧وعرفت من دكتور التخسيس انها مفيده جداً للتخسيس وفي حديث للرسول عنها بس انابصراحه مش حافظاه.المهم اللي عايزين يخسو يشربوها مع تنظيم الاكل كوبايه كل يوم قبل النوم.واللي بتحب الاكل زيي ووزنها معقول تاكل عادي وتشربها يوم بعديوم .هتلاقونتيجه هايله ان شاء الله وبالذات في منطقة البطن.بس للامانه وعشان محدش يدعي عليه هي طعمها وحش اوي وكمان بتخليكي تدخلي الحمام الصبح كذا مره مع شوية مغص بس المغص اسبوع وبيروح وبتبقي الامور عاديه.اناعارفه اني رغايه بس يارب اكون فيدتكو