اسم السندويش ماخذينه من واحد بريطاني اسمه جون مونتاغو – John Montagu الملقب بإيرل السندويش الرابع –
هذا بو سندويش كان شخصية أرستقراطيه –أرستقراطي - كلمة كشخه معناها واحد ولد عايلة وفلوس ويحسبون له ألف حساب- اشتهر في زمانه كشخصية سياسية بارزه،وكان مدمن لعب قمار
عاد من إدمانه عالقمار يقولون من كثر ما كان يندمج باللعب ما كان يحب يقوم من الطاولة عشان ياكل، مرة من المرات قال حق الخادم اللي عنده روح حط لي قطع لحم بين خبزتين وييبها عشان اكلها بسهوله من غير ما أوصّخ المكان والطاولة. عاد اللي كانوا قاعدين معاه قاموا يطلبون من الخادم ويقولون “عطنا مثل سندويش” – “
وبعدها استانسوا من الحركة لأنهم قدروا ياكلون شي عالسريع من غير ما يوصخون المكان ولا أوراقهم واياديهم، ومع الوقت صارت وجبه مكرره واشتهرت باسمه.
يعني الحين إيرل السندويش اهو اللي اكتشف السندويش؟
لا :icon19: السندويش كان مشهور عند العرب قبل إيرل السندويش بقرون عديده، كانوا يلفون قطع الخبز بلحم أو أي شي ثاني – حتى لي اليوم نسمع اسم “لفّة” ونفهمه كأحد أسماء السندويش.
وشنو كانوا يسمون السندويش قبل إيرل السندويش الرابع وقصته؟
بكل بساطة كانوا يسمونه خبز ولحم أو صمون :tongue3:
شلون اشتهر السندويش حول العالم؟
يقولون اشتهر بين الطبقة الأرستقراطية خلال القرن الثامن عشر كنوع من الوجبات الخفيفة المتأخرة في الليل. وبعدها خلال القرن التاسع عشر انتشر السندويش أكثر خلال عصر الثورة الصناعية في إنجلترا واسبانيا وصعود الطبقة الكادحة اللي تحتاج تختصر فترات الأكل وكلما كان الأكل متنقل وخفيف كان أفضل لهم.
مع السنين صار نوع من الوجبات المشهورة و زاد الإبداع فيها علما صار عندنا برجر وفيليه الدجاج وغيره.
وعشان اختم الموضوع بروح رياضية حبيت أحط شوية سندويشات لعيونكم!!!
