شوفي حبيبتي هذي طريقة كليجا بس والله ماجربتها اخذتها من المنتدى


كليـــجا

المقادير
2 كاس دقيق بر _ نصف كاسة سمن كريسكو
ربع كاسة سكر
نصف كاسة ماء
مقادير الحشوة
ملعقة طعام ليمون ناشف مطحون _ ملعقةونصف طعام سكر خشن
شوي هيل مطحون _شوي قرفه _ صفاربيض لدهن الوجه
الطريقة
انخلي الدقيق وضعي عليه السمن والسكر ويفرك باليد جيدا ، ثم ضعي عليه الماء بحيث يكون دافئا ويعجن إلي أن تصبح لديك عجينة متماسكة
فإذا كانت العجينة قاسية بعض الشئ ضعي عليها 2أو3 ملاعق ماء وتعجن وتغطي لمدة ساعة ثم تعجن مرة آخري وتكور إلي كرات بحجم البيضة غطيها واتركيها لمدة ربع ساعة
ضعي الليمون في صحن وضعي عليه السكر والهيل ويقلب جيدا
جذي كرة من العجينة وتفرد بحجم فتحة الكوب ثم ضعي عليها من الحشوة ملعقة شاي وابدئي بتسكيرها من الاطراف وبعدين اقلبيها وشكليها انا علشان ماعندي الطبعه حقتها قمت
اتفنن بالشوكه بعدين ادهنيها بصفار البيض ودخليها في فرن حاااااااااااااار لكن بعد ماتدخلينها قصري عليه شوي يعني على 300او 350 واذا احمرت من تحت حمريها من فوق
وبالهناء والعافيه

==========زياده بالشرح من صاحبة الموضوع

خوذي كوره من العجينه وافرديها بيدك وخليها
اطرافها تكون ارهف من وسطها بعدين حطي الحشوه (انا احط نص ملعقة عسل وفوقه الحشوه العاديه )بعدين
اجمعي الاطراف وسكريها مع بعض واضغطيها بشويش وحاولي تواسينها علشان مايكون اللي بالوسط متين

علشان اذا استوت وجيتي تاكلينها وقطعتيها
ماتكون الطبقه اللي تحت مره متينه واللي فوق رهيفه لكن اذا رهفتي الاطراف وجمعتيهم مع بعض ان شاء الله ماتكون متينه

تسلمي ام نونا على الشرح تعبتك معي يا قلبي
اكيد راح اجربها

انا عندي طريقة كليجا تجنننننننننننننننننننننننننن واحلا من الجاهزه بالف مره بس ماني حافظه طريقتها بكره بادورها بالدفاتر واكتبها لكم

ننتظرك يالغرام
لالالالالالالاتطولين علينا

هذي طريقتي بالكليجا تراها سهله ولذييذه والحمد لله الكل من ذاقه أخذ الطريقه مني

4 كأس دقيق بر
1 كأس زبده
1 كأس ماء
1 ملعقه صغيره هيل ناعم
2 فنجان قهوه سكر ناعم
نصف ملعقه فلفل اسود ( حب حار )
نصف ملعقه صغيره من كركم
1 ملعقه صغيره من البكنج بودر
نصف ملعقه ليمون اسود ناعم

تعجن جميع المقادير السابقه وتترك لكي تخمر

الحشــوه
1 ملعقه صغيره فلفل اسود ( حب حار )
1 ملعقه صغيره زنجبيل ناعم
1 ملعقه صغيره ليمون اسود ناعم
2 ونصف فنجان سكر خشن

الطريقه

تكور العجينه ثم تفرد باليد وتوضع بداخلها الحشوه
ثم تسكر وتكور مره أخرى
ثم نحضر شبك فيه خطوط وننرصه على الوجه (( أنا استخدم الشبك الستيل اللي يجي مع القلايه ))
ثم ندهن الوجه بالحليب السائل
ثم تدخل الفرن العادي وتحمر من أعلى وأسفل

أتمنى ان الطريقه تعجبك

وهذا الشبك اللي اسوي فيه صورته لك





وهذي صوره الشبك من قريب