السلام عليكم ورحمة الله وبركاته
كيفكم ياحلوين
انا عندي مشكله مزمنه مرررررره واليوم صارت لي مشاكل بيني وبين زوجي بسببها
وكل مااتعدل اجلس اسبوع وارجع للخبطه والفوضى
اللي هي الاهمااااال والكسل:35:
انا كنت ماني متعودة على الشغل بالبيت عند امي بسبب قلة المعرفه من اهلي...يعني ماتربيت عالشغل ولا النظافه والترتييييييييب...يبغالي اتدرب واتعلم واتعووووود اهم شي عشان استمر:27:
ومااعرف اسوي ولا شي بالبيت حتى الطبخ
ولما تزوجت تعلمت اطبخ على خفيف الحمدلله
بس مشكلتي في التنظيف والاهتمام بالبيت ونظافته وزوجي مجنووووون نظافه ودايم مشاكلنا على هذا الشي
يعني ممكن اخذ غرض من الدولاب واخليه مفتوح..او ممكن مااكنس المجالس لمدة شهرين او اكثر الا اذا احد بيجيني ..مااغسل مواعين:angry: الا مرتين في الاسبوووع او اذا خلصت كل المواعين اللي في الدولاب:icon33:وتسريحتي لو تشوفونها تبكووووون شكلها يفجع كانها بسطة بيااااعه كل شي فوق بعض ..حتى زوجي صار يتضايق من غرفة النوم ومايحب يدخلها ولا ينام فيها ..البخووووور عندي بس انساه ومااتذكر استخدمه الا بعد اسبوعين ابخر البيت..
ابغاكم تساعدوني ابسوي جدول منظم للتنظيف والاهتمام بالبيت وتكتبون لي كل شي ممكن انظفه وارتبه من الحمامات والمطبخ وغرفة النوم والمجالس والصاله والمكيفات والشبابيك والثلاجة والغسيل والكوي والكنس
وحتى المساحيق والصابون اللي تستخدمونها في التنظيف في كل شي... وابغى يوم الخميس اجاااازه لي
((لأني مااااااعرف اي شي بالبيت ولا اعرف ادبر نفسي في اي شي))ومشكلتي الجلوس على الانترنت كثيييييير و السهررر..دوام زوجي من الصباح الى الساعه 1 ظهر...وعلموني كيف ارتب نوم بنتي عمرها سنتين مبهذلتني في النوم ...:mad:
انا عندي بنوته وحده وتنام معانا بنفس الغرفة وغرفتي صغيرة
وعندي مطبخ +صاله مفروشه موكيت+مجلس نساء سيراميك وكنب +مجلس رجال كبير سيراميك+مقلط+حمامين
وحطوا لي بالجدول ساعه للمشي على السير لأني ابسوي ريجيم :icon33:
واللي عندها اي نصيحه او فكره لاتبخل علي بها :39:
واعتبروني اختكم وساعدوني وانصحوني وعلموني بس بشووووووووويش :44: لأني مو ناقصه كلام يغث كفايه زوجي مهددني بالزوجه الثانيه بسبب قلة الترتيب..وانا وعدته اني اتغير واتعدل زي الناس:icon33:
وجزاكم الله الجنة
ولاتنسوني من دعواتكم الحلووووووووووة
(دلوعة الفهد) @dloaa_alfhd
محررة برونزية
يلزم عليك تسجيل الدخول أولًا لكتابة تعليق.
(دلوعة الفهد)
•
رفـــــــــــــع
ربنا معاكى إن شاء الله
أدخلى مواضيع البنات فى ركن التنظيف والتنظيم ، والجارب والحلول المنزلية
وإن شاء الله سوف تجدى ما يعينك
:42::42:
شوفي حبيبتي ادا انتي ماعندك دوام الصباح حلو انك تكوني صاحيه يعني صلي الفجر وحظري فطور زوجك وافطري معاه وودعيه وبعدين توكلي على الله وابدي شغل بيتك مثلا غسلي الحمامات وحظري اغراض التنظيف في سله وحده وبعدين امسكي البيت جزء يه حسب طاقتك ودائما خلي قسم الضيوف سواء الرجال اوالحريم تنضيف بداية الاسبوع ونهايته وبخري وقفلي على طول بعدين غسيل الملابس حطي غسله وشمري على مواعين الفطور ونزلي غداك وروحي على غرفة النوم ورتبيه ترتيب سريع بعدين العميق امايوم خصصي له او قسميه على ايام وبالنسبه للمطبخ وانتي تطبخين غداك رتبي فيه وفي الاخير لمعي الارضيه وبخري بيتك وبالنسبه لبنتك صحيها معاك وفطريها وخليها تلعب الى الظهر بعدين تنام الى العصر وبعدين لاتنام الامعاك في الليل وانصحك بالنوم المبكر والاستيقاظ المبكر ففيه البركه بأدن الله
شوفي حبيبتي ملف الهمم راح تستفيدين منه كثير وبدايه الامر صعب لكن بعدين راح يصير شي سهل بأدن الله الله يوفقك ويسهل امرك ويجعلك قر عين زوجك وادا حابه نشجع بعض على جدول ماعندي مانع راسليني على الخاص
دعواتك لي بالشفاء من الحسد والعين وان الله يخليني لعيالي ويخليهم لي
شوفي حبيبتي ملف الهمم راح تستفيدين منه كثير وبدايه الامر صعب لكن بعدين راح يصير شي سهل بأدن الله الله يوفقك ويسهل امرك ويجعلك قر عين زوجك وادا حابه نشجع بعض على جدول ماعندي مانع راسليني على الخاص
دعواتك لي بالشفاء من الحسد والعين وان الله يخليني لعيالي ويخليهم لي
الصفحة الأخيرة