ملكة السكون :

اول شي اطلبي من الله ان يساعدك وليس منا ،،، ثاني شي: كوني صادقه مع نفسك وربك انك تبين تتغيرين لنفسك مش عشان زوجك والا الضيوف ،،لأن الله لايغير ما بقوم حتى يغيروا ما بانفسهم... تعبنا من نسمع ان اهاليكم ما شغلوكم بالبيت ،،، ترا مب جهل ولكن يبونكم اميرات كلنا ما كنا نشتغل ببيوت اهلنا ،،، الخدم كثر ،،، لكن الوحده يبين معدنها وقت الجد ... ثالث شي : اشتغلي بالبيت لله وحده ،،، قولي بنظف عشان الملائكه تحب المكان النظيف ذو الرائحه العطره ،، رتبي بيتك عشان عيونك ترتاح ،،، وعشان زوجك يعرف اصلك ومعدنك اهتمامك بنفسك ورياضتك وصحتك يريحك من الداخل والخارج ويزيدك ثقه ... الكمبيوتر خليه المسا ،، او مع شاي العصريه ... والتعود على النظافه والترتيب يحتاج وقت وجهد عشان تتعودين يكون روتين.... جدول التنظيف روحي لموضوع همم وقمم وانسخي الجدول وامشي عليه بدل اسبوع باسبوع يوم بيوم ، مثل ما قالت هبهوبه ،، واشتركي في الهمم القادمه بعد العيد ... وكلمه اخيره ابدي يومك بصلاة الفجر ثم قرآن الفجر واذكار الصباح ،،،، وانتي تغلي بيضتين ،،، سيري على الجهاز لمدة عشر دقائق ،،،، ثم حضري الفطور وافطري مع زوجك ... طلع زوجك بحفظ الله ... على طول شيلي الفطور ونظفي طاولة الطعام وغرفة الطعام ، او المكان اللي فطرتي فيه ،، وانتي تنظفين الصاله او غرفة الطعام حطي غسله بالغساله .. خلصتي الصاله نظفي غرفة النوم واذا بنتك نايمه لا تزعجيها وروحي المطبخ ، ابدي بالصحون والجلى ونظفيهم ،واذا مطبخك كبير قسميه واذا صغير سويه كله اتعبي يوم ،،، ابتدي بالثلاجه ونظفيها ،، ثم سطح الدواليب والجدار والمروحه ثم الدواليب باب باب ،،، ابدي بدولاب الاكل والحبوب ورتبيهم ،،،، ثم الباقي دواليب لاصحون والملاعق والكاسات ما تاخذ وقت ،،،، ثم الأرضيه... اذا لك زمن ما رتبتي ونظفتي المطبخ بيهد حيلك ولكن في المرات اليايه بيكون اسهل ... لاتنسي انك ما تخلطي الكثير من المواد الكيماويه مع بعض لأنها مضره ،،اكتفي بنوع او نوعين ولاتنسي تسبحي وتستغفرين وانتي تشتغلين ،،، الذكر يرفع الهمه ويزيل الوساوس ويخلص الشغل بسرع وسرور اذا صارت الساعه 12 وانتي بعدك ما خلصتي خلاص اتركي الباقي اللي بالمطبخ وعلى غرفة النوم على الاقل انفظي الفرش اذا كان نظيف وامسحي الاسطح وشيلي كل اللي علىالتسريحه الى الادراج وخمي على السريع ،، وابتدي فيها بكره تنظيف عميق ،، وادخل الحمام الخاص فيك او اللي يستخدمه ابو الشباب ، نظفيه وتسبحي (تروشي) واهتمي بنفسك تعبت من الكتابه اذا بغيتي اي شي انا حاضره

اول شي اطلبي من الله ان يساعدك وليس منا ،،، ثاني شي: كوني صادقه مع نفسك وربك انك تبين تتغيرين...