السنعات وغير السنعات عندي فلفل حار كثير تكفون ساعدوني

فرزنيه ، يقعد بالفريزر مدة صلاحيته 6 شهور .

اغسليه ونشفيه واطحني على الخلاط مع ملح و زيت زيتون وعبيه مرتبان وحطيه بالتلاجه استعمليه في تتبيل الحم والدجاج وحتى السمك او اضيفيه للكبسه او اي اكله على ذوقق ممكن كمان تجففيه بالشمس حتى يجف تماما وتكسريه وتضيفيه لسلق اللحم او الدجاج او اي مرق جدا لذيذ

حطيه بصينيه وجففيه كله واطحنيه مع فلفل بارد اخضر وحطي ملعقه صغيره كمون مطحون ويم يم يم يم
وحطيه بعلبه بالثلاجه واستخدميه مع الاكل اللي تبين

بقوللك امي وش تسوي فيه
اذا جا موسم الفلفل الاحمر ابوي يجيب اكياس كبيره
وتاخذها امي تغسلها وتقطعها شرايح وتنشرها بالحوش على سفره واذا نشف زين تطحنه وتحطه بعلب نيدو الحديد مبطنتها باكياس وتربط الكيس زين وتحطه بالفريزر وتطلع كميه قليله للمطبخ وتستخدمه بالطبخ ويحطونه اهلي مع الكبسه
ان شاالله البنات يفيدونك اكثر

جيبي قدر كبير وقطعي بصل كثير شوي صغار وكشنيه بزيت وقطعي الفلفل مربعات او حلقات وسوي كشنة فلفل وبهريها ثم اذا نشف عبيه بعلب بلاستيك صفار وحطيه بالفريزر وكل ماتسوون كبسه طلعي وسخني وكولو مع الرز وربي يجننننننننن بس نسوي كذا بالمواسم ويجلس كثييير وبعد التسخين يصير كنه توه مسوى

والله يوفقك ويسعدك يارب