السنعة اللهلوبة ..........رجعت تاني

عندي سؤال خطير عندك جوال؟؟؟؟



لا مش هتصل بيكي على شان اتابعك وعارفة ان ارقام الهواتف ممنوعة فالمواضيع العامة

قلبي كدا فالجوال هتلاقى حاجة اسمها رسائل التذكير او CALENDARاو اي كان اسمها
دي مهمة جدا بالنسبة لنا ......دي علشان النوتة الجديدة هتبقى على الجوال:42:

عدة اسئلة لنقف منها على مكانة كل واحدة او لتقف هي على مكانتها امام نفسها
الاسئلة مأخوذة من منتدى عالم حواء

جزاااااااااااااااااك الله كل الخير

ادوات العمل


يلا يا حلوة ما تمليش وتقولي دي هتكرر نفس الموضوع الاولاني تاني
هاتى فلو سكاب (ورقة كبيرة ..عريضة ) معرفش اسم تاني عاوزين مترجم على وجه السرعة
سطري الورقة واعملى جدول من ثلاث خانات الاولى الهدف والثانية اكتبى كلمة تم و الثالثة اكتبي المستوى
ثم حددي اولوياتك وواجباتك فالبيت و رصيهم كلهم تحت خانة الهدف

نرجع مرجوعنا للموبيل ...الجوال هاتي الجوال وادخلى على رسائل التذكير و اختاري اضافة جديدة و اكتب اول بند في القائمة واختاري التاريخ والساعة
ملاحظة هذة القائمة يومية يعني لو عندك فالخيارات انك ممكن تكرريها يوميا يكون افضلك التكرار لاطول مدة ولنقول سنة اعرف بعضكم يقولوا يا صبرك تفتكري هنطاوعك سنة ...يا اختي ما على الله بعيد دعيه يذكرك با نه حان موعد شئ الان و اختار طبعا ان يكون هناك تنبيه و اختار نغمة تنبيه ذات صوت عالي فتكون كصوت ضميرك يوانبك ان وراكي عمل عليكي القيام به وانت مروقة ولا على بالك

الواجب المنزلي للمتابعات
اكتبي لنا اولويات لنتعرف على الاعمال المنزلية الواجب عليكي القيام بها غدا
خليكي خلاقة ومتميزة مش عاوزة اجابات زي بعض وتذكري ان الواجب دا مش عشان سواد عيوني
يعني دا هيعود بالمنفعه عليكي

يراعى فالواجب الشروط التالية ....هى هتتشرط كمان ؟؟
التنوع يعني الاهتمام بالبيت وبالاولاد و وبنفسك وزوجك

ذكر الاشياء المهمة اللي مش عاوزة تنسيها ..مثال اللى عندها طفل رضيع وتنسى تشربه اكتبي المواعيد او مواعيد تغير الحفاظ او مواعيد المضاد لمريض ....اكيد تنسى هذه الاشياء لذلك ذكرتها

ذكري نفسك باذكار الصباح والمساء فكلما نظرتي الى موبيلك اخدتي ثواب بدل ما هو اداة للنميمة والقيل والقال

لا تنسي الاهتمام بجمال بشرتك جسدك شعرك فحددي مواعيد لخلطاتك و لا تنسي ان تكرريها وسوف يفاجئك ذلك بمدى اهتمامك بنفسك

لا تدور المواعيد كلها في فلكك اعطي بعض الاوقت للاهتمام بمن حولك

بعض الاعمال تكرر بشكل يومي واخرى بشكل اسبوعى وغيرها بشكل شهري او نصف شهري

بعض التفاصيل التي عادة ما تنسيها و يعاتبك عليها من حولك ....رغاية اوي الاخت

ارجو من الاخوات المتابعات كثرة ذكرة الله والاستغفار ولا تنسي قبل ان تنامى سبحي الله 33 مرة واحمدي الله 33 مرة وقولي الله اكبر 33 مرة و لا اله الا الله يكونوا بذلك مائة كما اوصانا الرسول عليه الصلاة والسلام

اتمني المشاركة الجدية من الاخوات بالتفاعل و الافكار الجديدة

متتخليش فرحتى برجوع الموضوع

بجد والله سعيدة بيه جداااا


واكيد اكيد هنضف البيت معاكم احسن علشان تنضيف رمضان والعيد مره واحده

الالويات :

عايزه اغسل الستائر ومشاية واحده

كمان المطبخ عايز يتغسل كله رأسا على عقب

كمان الانترية عايز يتغسل على الجاف كدا

والدولابيب

ورايا كثير بس مش هاعقد نفسى

وطبعا كمان فاضل تفريز الاكلات او نقول بعضها علشان رمضان اصل الفريزر يدوب

يالا بقى اعلمى الجدول وانا معاكى مستنية تشجعك

حمد لله على سلامة رجوعك