مرحبا خواتي
:)
غسالتي اوتوماتيك بليز فيدوني مره متعبتني ما اعرف لها اي حاجه احطها افرها على النوع القطن واحط التنشيف very dry او حاجه زي كذا يطلعون ناشفين مره بس معجقين معفوسين يبغالهم يومين كوي للقطعه الوحده؟؟؟
وشلون اغسل جوارب دلاغات زوجي
شلون اغسل الفوط ؟؟
و روب الاستحمام
الملابس الداخليه لزوجي اغسلها مني لبكره لونها مصوفر ما يتغيير ابيها ناصعة البياض خاصه السراويل الطويله المكسر اطرافها سوده ما تتغير
و طواقي زوجي اللي تنلبس تحت الشماغ تنلبس كيف اغسلها ؟؟
والكوي اه منه من اعرف ان عندي كوي اضيق:44:
ابي برنامج غسيل وكوي يريحني والله لا ادعيلها من كل قلبي اللي تفيدني:)
يابانيه سنعه @yabanyh_snaah
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
وأهم شي حطي الصابون بمكانه الصحيح والكمفورت بمكانه الصحيح ، واختاري نوع زين ، ولا تساليني انا كل مره استخدم نوع جديد لين ارسى على اللي يناسب ثيابنا.
بالنسبه للتنشيف ، كانت وحده حاطه موضوع جميل عن التنشيف ، بس الملخص لا تحطي كل الغسيل مع بعض ، يعني قسمي القطن عن الحرير وغيره،،،،
في من الثياب ماينفع تحطيها بالنشافه تزيدك تعب ، بس الحين خلاص عرفيها ، اول ما تنغسل وتنشفيها نص تنشيف ،وتكويها وهي شويه رطبه بتسهل عليك الكوي .
وأخيرا الكوي ، اهم شي قسمي الملابس وانواعها ، وابتدي بالحرير لأن الكوايه بارده ، وبعدين الباقي ، وطول وقت الكوي سبحي او استغفري او اسمعي قرآن ، انا ما ريحني بالكوي الا القرآن ، عندي مصحف الكتروني وهو يقلب لي الصفحات ، وانا اقرا معاه ، بس انتبهي لا تحرقين الثياب .
في طريقه ثانيه تسهل الكوي ، حطي قطعتي فوق بعض ، لكن هذي الطريقه ما تنفع مع الحريري، وتنفع اكثثر مع القطن ،
تفرشين الاولى زين وبدون كسرات وتحطين الثانيه وتكوي فوقها اذا خلصتي اللي فوق الثانيه ما تاخذ وقت .
ولا تنسين الرش(رش ماي وتحطين معاه عطر او شوية كمفورت) واااايد يساعد في الكوي بالذات اذا الكوايه ما فيها بخار...
أتمنى اكون ساعدتك بسي لو قليل ،،، الله يوفقك ويسهل عليك ، اكوي كل يوم او يومين ساعه بس واكوي منوع ، يعني لبس للبيت ولبس للخروج ، لكل شخص قطعتين ،،، بيسهل الكوي عليج واايد
ادعيلي بالذريه الصالحه ، والله يوفقني بدراستي ...