انا بطيئة بس منظمة وقتي زين وما عندي طلعات وروحات لانه هالشي يخلي الوحدة تقصر في بيتها وان بعطيك جدولي ممكن تستفيدي
اهم شي ابعدي عن السهر زيادة والتزمي بالصحو بكير
اول ما اقوم الساعة 6 اصلي وبعدين اسوي لنفسي قهوة وافطر
الساعة 7اصحي زوجي لا يروح الشغل وبهالوقت ابدا ارتب غرفتي وغرف الاطفال واجع كل شي مكانه من ملابس والعاب ومناشف
الساعة 8ابدا بتنظيف الحمامات
الساعة 9اكنس البيت وامسح او اشطف
الساعة 10 اسير المطبخ وابدا طبخ ولو عندي سلق او انتظر ما اوقف شغل احضر ممسحة للغبار وكل ماحسيت عندي ضقايق فاضية امسح شي.. ولين جهزت التحضيرات الاولية للطبخ من فرم وتقشير وسلق وووووو.......
الساعة و11.30 انظف المطبخ واشطفه واغسل المواعين وما اترك شي الا تطبيق الطبخة (وهذا اكيد ما بتسوي لين قبل ما ييجي زوجك بشوي عشان يكون الكل ساخن)) الساعة12و30 اصلي الظهر
بعدين احمم اولادي والبسهم شي نظيف
وبعدين استحم واعطر نفسي والبس واعطر البيت
ولو عندي وقت اكوي الملابس وارتب الخزائن
واروح اخلص ما بقي من الطبخة على رواق
وتوتة توتة وقبل الساعة2 بتخلص الحتوتة

ممكن تجيبي شغالة تساعدك اذا كانت الميزانية تسمح

شوفي حبيبتي
الشاطره تستفيد من كل شئ تشوفه

يعني كل بيت تدخلينه ويعجبك استفيدي منه ومن ترتيبه
استفيدي من الراديو والتلفزيون والاطفال لاتستهينين بشئ
أقولك مثل
انا احيانا اتفرج على افلام الاطفال مع اطفالي
وفيه برنامج للأطفال عن الخراف في قناة براعم
فيه شخصيه تمثل انها الجده مدري الام ماأذكر
كانت ترتب البيت وتقول لبنتها حكمه وهي

"لكل شئ مكان وكل شئ في مكانه"
اعجبتني الجمله هذي مره ودايما ارددها
واتخذتها حكمه لي انا كمان
يعني رتبي كل شئ وخصصي اماكن وصناديق لأشياء محدده ولاترضي ابدا تغيري مكانها

ولاتحتفظي أبدا بأشياء انتي ماتستخدمينها
سوي جرد وأعيدي ترتيب الغرف والمطبخ والحمامات
وكأنك تسكني البيت لأول مره
وخل عنك النوم لأن اعمارنا تضيع بالنوووووم
ولاتكثري أكل خففي قد ماتقدري لأنه يسبب خمول وكسل
والبسي لبس يحسسك انك خفيفه بالحركه

الترتيب والنظافه والاستعانه بالله بالذكر وادعي ربي يقويك دائما فلا قوة الا بالله
وتذكري قول الرسول صلى الله عليه وسلم " بورك لأمتي في بكورها"
يعني اصحي بدري