السن تلدغ

قبل ما احمل كانوا الناس قارفيني بكثر الاسئلة و النصائح و انا بالاول كنت اسكت و احكيلهم كله من عند الله لغاية اني ما قدرت اتحمل كلامهم و صرت اجاوب احيانا بوقاحة

و لكن بعد 5 سنين من الله عليي و حملت و الكل صار يسألني طبيعي و الا بعملية و انا قلتلهم طبيعي لانه ماحدا اله عندي اذا حملت طبيعي و الا لا
و صاروا يتكلموا علي انه شكلي حامل بتؤام و انا كنت حامل بتؤام بس مابدي اقول لحد بصراحة خايفة على نفسي و على حملي و قدر الله و ما شاء فعل و ان شاء الله يعوضني بالحمل السليم قريبا
و سقطت ببداية الشهر الخامس

و لما عرفوا الناس اني سقطت و كانوا تؤام اللي صارت اتلومني و اتقولي مش قلتلك انك حامل بتؤام و انتي قلتيلي لا
و اللي قبل ما اسقط و هيه كانت بالتاسع و انا لسا باول الخامس بتقولي شكلك رح تولدي قبلي
و اللي اتقولي شكله رحمك ما اتحمل
و اللي اتقولي شو سميتي بناتك
و اللي اتقولي شعور حلو انه ينزل من صدرك حليب ؟قلتلها اه شعور حلو بس لو ضللوا بناتي عايشين ورضعوا مني

بس ما بقدر اقول غير انه الله يعوضني و يجيرني في مصيبتي و يخلف لي خيرا منها في القريب العاجل
اللي بدي اوصله انه حملنا او ما حملنا ما ابنخلص من كلام الناس
و ما بعرفوا و لا بقدروا اديه عم بجرحونا بكلامهم