شكراً سراب على هالسهرة،

وشكرا للمشرفات..ولشجرة الدر
وجزاهم الله خير


مادري نلبس للسهرة فساتين ونسوي تسريحات..
أو عادي نجي باللي علينا...؟



طيب، هذي اجابات مختصرة لأسئلتك الجميلة


1فى نظرك ليش تقلص دور الجار؟

لأسباب، منها..
ـ التوصيل السريع،،
حيث انقرضت سالفة "عندكم حبتين طماط، نبي قوطي صلصة..!"
ـ الاتصال بالعالم الافتراضي-النت- والاستغناء عن المخلوقات الحقيقية
ـ الاهتمام بالمظاهر والتكلف الزائد.. بحيث يشق على البعض استقبال الضيوف،
كما يسوؤه دخول احد عليه بدون موعد
ـ وغيرها مما لا يحضرني...



2 هل انت صاحبة جيران؟

الله يغفر لي، لا
وجزاك الله خير لعل في موضوعك تنبيه لي ولغيري



3 هل لك معاير معينةلاختيار الجار؟

أكــيد.. الجيران الصالحين.. من ما يبيهم..!


4 اذا انتى من النوع اللى مو راعيه جيران فماهى الاسباب؟

لأني بطبعي ما أحب أنطط على خلق الله ولا أحب اللي ما غير ينطط على الناس،
هذا اذا قصدك الزيارات اللي كل عصر وضحى.. وكل سبت واحد واثنين وثلاثاء ...
لكن اذا قصدك تواصل معقول، وتناصح، واطمئنان..؛

فالسبب لا شك راجع إلى تقصيري
الله يتجاوز عني



5 ماهى حدود الجار مع الجار فى نظرك؟

اتباع الهدي الإلهي
لو وحدة تتحفنا بشيء من سيرة الرسول صلى الله عليه وسلم مع الجار
وكذلك سيرة أصحابه
وما ورد من أحاديث صحيحة في ذلك


6 موقف حصل لك يبين لك قيمه الجار..؟


إذا انقطع النت عندي أو صارت له مشكلة فعلى طول نت الجيران هههههههههههه

لا، أمزح
مواقف كثيرة
أذكر منها.... من زماااااان يوم انحرق بيتهم جو عندنا،
ويوم انحرق مطبخنا رحنا عندهم>>> لجوء سياسي

الله يذكرهم بكل خير


********
شكرا مرة أخرى
والسلام عليكم ورحمة الله

هلا بك شجرة الدر
تصدقين الظاهر ما فيه الا وانتى مسنترين
ما ادرى وين العالم
والظاهر السهرة قربت تنتهى ولسه مو صلنا لوجه نظر




ملح وحلا

والله انت الملح والحلا والاصل والطيب
اشكرك على ثنائك واكيد كلن فيه خير
انا معاك فى بعض النقاط
ان فيه ناس تتحاشاهم اتقى شرهم
بس بعض النقاط انا اشوف الناس افتعلوها
(مشغولين بالرزق)يالله ننشغل لدرجه نقطع حتى قرايبنا والله ان بعض الاسر ماعندهم تواصل الا فى النفس(وبدوا يتسحبون منه طاحوا فى التحديد)
اول الناس ما تدور رزقها الا وبعد اشد من الحين لكن انا اقول النفوس تغيرت
الناس ما كان عندهم شغل قبل يعنى جيلنا لما كنا صغار ما كانوا اهلنا يدرسون ما كانوا يودونا معاهم اى مكان اكيد ايوة اذن وش اللى تغير غيلر ها النفوس
صراحه ان متعجبه من ناس كان لهم جيران من زمااااااااااااااااااااااااااااااااان والحين كل واحد راح حى ثانى وصاروا اغراب
ابوى الله يرحمه له دوريه مع جيرانه والله بعضهم نقل للشمال والشرق بس ها الدوريه لازم يروح لها والحين اخوانى الله يحفظهم ماسكين درب ايوهم ومستمرين عليها
ليش ياترى ابوى وغيرة ما قطع علاقته فيهم بعد ما ابعدوا وزحمه هالرياض
بس كلهم (جيران اهلى)حريصين على الدوريه كل شهر

هلا بك قطه نجديه
لا سهرتنا ما تحتاج لبس وتسريحات (موفرين عليكم )نبى بس اللمه والنقاش الهادف

صراحه اجاباتك على الاسئله منطقبه فعلا فيه امور قلصت من الجار والجوار
بس ولو انا مصرة ان الجار له مكانه
(مازال جبريل يوصينى بالجار حتى ظننت انه سيورثه)هذا الحديث عن الرسول صلى الله عليه وسلم تحسين فيه من الحث على حسن الجوار وتفقد حاله الشى العظيم
انا ضد الجمعات الكثيرة اللى توصل عشر طعش بس على الاقل اللى فوق او تحتك او جنب من يمين ويسار هم اقرب
يعنى يكفى خمس بيوت
وتكون جمعه بين فترة وفترة ما اقول شهر بس فى شول زيارة عند وحدة تجمعهم بعد رمضان يشوفون بعض ويعايون بعض
ممكن بدايه محرم يجتمعون وقبل الاجازة الطويله يعنى ما يضر اربع او خمس مرات فى السنه نجتمع

وبحاول اجمع لكم قصص عن التابعين والرسول صلىالله عليه وسلم
والصحابه

ما شاء الله عليك يا ملح وحلا
الله يجزاك الخير وفرتى على الوقت الله يعطيك عافيه
وبقول لكم قصه
كان فيه واحد من التابعين جاة واحد يبى يشترى دارة وقال صاحب الدار كم تعطينى قال له مبلغ بس قال انك بخست ها لدار قال المشترى ان دارك ماتسوى اكثر من كذا
قال اللى تسوى عندى جار فلوس الدنيا ما تجيب لى مثله وهو اللى قال(الجار قبل الدار )كانوا زمان يحرصون الى وقت قريب يحرصون على انهم يكون دارهم عند جيران اجاويد
اما الحين اهم شى تعجبه وتعحب زوجته ومو مهم الجار ليش
لانه اصلا ماراح يتعرف ولا يتواصل معهم الا سلام وبس

سلام
كيفكن وشخباركن عساكن بخير وبسطه
اقول قربي لي الدله وابعدي عني الحلا >> ع فكرة تراني نحيفه اييه هيييييين
الا على طاري الجيران الله يرحم ايام زمااااان كان فيه تواصل ام الحين معد نشوفهم غير بالمناسبات
اما زيارات الضحى والعصريه هذي اغسلي يدك منها
والا اذا وحده سيرت تقعد ولاعاد تعرف تقوم << اتوقع هذا من اسباب قلة التواصل بين الجيران
ومن الاسباب ايضا التكللللللللللف مع اني اشوفنا مانتكلف ياربي لك الحمد مقارنة باللي اشوفه بقسم الاطباق
هذا و العلم عند الله