السواقه ادخلو الله يجزاكم خير

اولا أهنئك ع شجاعتك
انا صراحة اخاف عندي أحد يوصلني اضمن من اسوق 👀
بس سمعت في مدارس تقدري تنضمي لها وفي اختبارات والناس أغلبها صارت تروح البحرين هناك يقولوا اسهل واسرع انا ماجربت بس سمعت
أن شاء الله البنات يفيدونك اكثر

سجلي في مدرسة تعليم القياده في مدينتك واحجزي اختبار تحديد مستوى وهم يحددو لك كم تحتاجين ساعه وكم المبلغ اللي تدفعينه وبعدها تحجزين مواعيد للتدريب العملي والتدريب النظري وبعد ماتخلصيهم تحجزين موعد اختبار نهائي للرخصه اذا نجحتي تاخذين الرخصه بنفس اليوم تنتظرين بس ربع ساعت نص ساعه وتستلمينها اما اذا مانجحتي ترجعين تحجزين موعد اختبار ثاني باختصار ماتاخذين الرخصه الا اذا اجتزتي الاختبار واذا كنتي في جده مواعيدهم بالشهور وانت وحظك

اولا تعلمي مع رجل او مدربه
او اعتمدي على اليوتيوب خذي منه دروس كثيره يفيد
وسجلي ٣٠ ساعه وتعلمي فالمدرسه
واخر شي خذي السياره مكان فاضي وتعلمي
سهله القياده بس اهم شي الاحتراف قبل نزول الشارع

افضل تتعلمين قبل تروحين لهم عشان تقل ساعات التدريب عندك.
فيه مدربات سعوديات ممتازات.
كان تبين رقم وحده ابشري.
ومن ثم تسجلين في مدرسة قياده
جامعة نوره زحمه جدًا. جلست أنتظر دوري ٨ شهور.. ثم خليتهم ورحت سجلت في مدرسة بن منقاش لتعليم القياده في القويعيه ولهم فرع في المزاحميه أقرب للرياض.
فقط يومين والحمد لله حصلت على الرخصه.


بالنسبه للمبلغ تقريبًا دفعت ٨٠٠ ريال

الله يفهمك ويحفظك وجميع المسلمين