السوالف

السلام عليكم 🌷
يابنات اعتبروها فضفضه
اخت زوجي قعدت معنا فتره هي وزوجها وماشاء الله اذا جاو الغرفه اسمع اصواتهم ماشاء الله يسولفون مايسكتون ومو يوم ولا يومين يعني ماشاء الله وش يقولون من وين تطلع السوالف
واذا كان لحاله يقول تعالي سولفيلي
وتعلمني تقول اذا سافر وماقدر ياخذها يدق عليها حتى لو انها نايمه يقول قومي سولفيلي
يعني باين متعلق في سوالفها حتى هو يسولف لها ويعلمها بكل شي دايم هي اللي تعطينا الاخبار وتعلمنا ايش صار وايش ماصار ويوريها جواله
انا ما احسدها دايم اسمي عليهم ماشاء الله
بس حابه اكون زيها
يعني ابغا اعلق زوجي بسوالفي وكمان يصير يعلمني بكل شي
انا من النوع اللي احب اسولف او احد يسولفلي لكن مشكلتي ماعرف كيف اسولف او حتى لو اسولف سالفتين وبس مو زيهم
حتى زوجي مايسولف كثير لكن احيانا يقول سولفيلي واسوي نفسي مشغوله لاني مو عارفه ايش اقول
واحس الرجال يحبون اللي تسولف لهم وتعلمهم واحس زوجي من ذا النوع
وبس
الله يسعد اي وحده بترد علي
💚💚