السوالف مع اهل الزوج

والله أختي هذا يعتمد على طبيعة أهل زوجك سوي مثلي أول ما تزوجت كنت مستمعة وأدرس مستواهم ولكن بعد فترة عرفتلهم وصارت السوالف بروحها تطلع حسب طبيعتهم.
( إذا كان الكلام من فضة فإن السكوت من الذهب) هذي حكمتي ولكن مب تكونين مول خرررررررررسسسسسسة

احسن شي في بداية زواجك انك ماتسولفين كثير حاولي تجسين نبض على مواضيعهم وسواليفهم وشاركيهم شوي بس مو تجيبين العيد ..

بعدين بعد التعود بتلاقين نفسك تتكلمين عادي وتشاركينهم في اي موضوع يتكلمون فيه ..

لكن انتبهي تجيبين سالفة اي شي صار بينك وبين زوجك خصوصا اول الزواج حتى لو السالفة عادية لاتجيبين زوجك على لسانك ابد ولا وين رحتوا وتمشيتوا ولا اي شي زين والا شين ..

وبرضه لا تشاركينهم اذا كان الموضوع فيه غيبة او مثلا كان عندهم ضيفة وطلعت وبدوا يحشون فيها انتبهي تشاركينهم حتى لو كانوا يكلمونك حاولي تضيعين السالفة او تسوين نفسك ماسمعتي او تنشغلين باي شي احسن من تشاركينهم بالاثم ولو كانت عندك الجراة انك تنصحينهم بيكون افضل ..

اذا سالوك عن اهلك تكلمي عنهم عادي بس اهم شي انك ماتجيبين طاري اذا صار فيه مشكله لا سمح الله او حتى اي شي من اسرار اهلك مثل خطوبة ما بعد تمت والا عزيمة والا جمعه الافضل انك ماتقولين كل شي ..

وبعدين اذا عرفتي طبيعتهم زين بتعرفين نوعية الكلام اللي يصلح لهم وبتعرفين اذا هم من النوع اللي يتكلمون كل شي ويطلعون الكلام كذا بتتجنبين تقولين لهم اي شي حتى لو كان عادي ..

انا اشوف ان تناقشيهم في المواضيع الي هم يتكلمون فيها بس مانصحك تفتحين انتي موضوع ولاتكلمين عن خصوصياتك

رمادية مشكورة اختي على مشاركتكي
جنان الفردوس جزاكي اللخير\

ام جورية مشكور اختي
بارك الله فيكم