السوشل ميديا فضحت المتخبى في الصدور، طلعت لجتهم على الطل

مو شي جديد عادت الذكور يحرمون كل شي على النساء وينسون انفسهم وكانهم غير مكلّفين وكانهم ملائكة وأنبياء حتى انهم يبررون لبعضهم الذنوب والأخطاء بشكل لايصدق! مايقصد مايدري ماينلام ماله ذنب الحق مو عليه البنت هي السبب الطفل هو السبب الحي.وان هو السبب يحطون الحق حتى على الجمادات إذا اضطروا
هههههههههههههههههههه تذكرت مقطع شفته قبل كم يوم في التيك توك وحده تقول هذي صدمة الرجال يوم القيامه لما يكتشفون انهم بيتحاسبون زينا زيهم وحاطه مقطع واحد مصدوم بقوه

هلا عنود اللي يصير في السوشيال ميديا ما يثبت قاعدة على كل الناس كثير من اللي يطلع فيه مبالغات أو استعراض أو حتى أخطاء أفراد تننسب لجماعة كاملة وهذا ظلم بعينه
فيه ناس تستغل البثوث والتحديات بشكل غلط غلط مره علشان فلوس أو شهرة وهذا موجود عند المتدين وغير المتدين مو مرتبط بفئة معينة
وبرضوووو تغيير الرأي أو تعديل الفتوى أو الموقف مع الوقت ما يعني نفاق حاولي تستوعبين هالشي أحيانًا يكون بسبب فهم أعمق أو تغير ظروف

مو حلوه تسمون منافق بدينه (مطوع / شيخ ) انتو هكذا تقللون من الشيوخ المتدينين عشان كم غبي خالف كلامه الي كان يقوله ... الان تبرير الفاسدين ان المشايخ والمطوعين منافقين فخلاص نفسد براحتنا
ما شفتو الي لما تنصحينهم يقولون يا مطوع يا شيخ... وكأن الي متدين صار منافق وضعيف وكذاب

لما احد يخالف كلامه سموه منافق لا تسمونه على الشي الي كان عليه لانه خلاص تركه

وانتي اش عليك من الناس
الواقع اللي يصير اليوم شي طبيعي الدنيا طول عمرها فتن في فتن مانضبطت الا في عهد الرسول صلى الله عليه وسلم وبعد موته رجعت الدنيا فوضى الواحد يتق الله في نفسه ويترفع عن الاخرين وقضاياهم اللي ماتخصه ولاتضره ولاحتى تنفعه وقضينا

دايماً اقول لا تحطون قداسه على البشر لان الكل يصيب ويخطيء
ولانهم راح يبقون مجرد بشر في دنيا محد فيها عليه عصمه وحصانه من الخطأ
وانا فهمت قصدك انك تخصين اللي يجي قدام الناس يظهر التدين والتقوى ومن وراهم يسوي عكس الكلام اللي يقوله
مثل شخص ما اعرف حتى اسمه ولا منصبه او تخصصه او مين هو بس من كم اسبوع اشوف عليه هجوم يعايرونه بتغريده كتبها من فتره فيها غلط على بلدنا والتطور اللي فيها ويصايح بالحرام والحلال والحين جايبين مقطع لبنته ترقص وتلفح بشعرها قدام الناس
سبحان الله الدنيا دواره مثل ما عاير الناس جاء من يعايره في بنته اللي من لحمه ودمه
وطبعاً الكلام اللي قلتيه وفيه تناقضات ونفاق بعض البشر لا يعمم على الجميع
لان البشر ما يشبهون بعض لا بالعقليه ولا التفكير ولا حتى الاخلاق
كل شي بالحياه له الضد والمخالف وهذي طبيعة الحياه البشريه