أو ما تحبه بس أسفوها عياله
اليوم جايبة مقبل جدا لذيذ :p ينفع مع الرز أو مع الجبن والخبز
ومقاديره سهلة ومتوفرة
المقادير :
فلفل أخضر الطويل والمنفوخ <<<< ترى الغيبة حرام لو شجاعة قوليها بوجهه
نشقه بالطول وننظف البذور ونغسله زين
للحشو :
جزر مكعبات
كوسة مكعبات
بطاطس مكعبات
( نسلق كل نوع نصف سلق )
ثوم مدقوق + بهارات
ملعقة كركم مطحون
زيت زيتون
خل + ملح
بصل مقطع قطع صغيرة
ملعقتين شطة >>> 5 قرون فلفل أحمر + ملح + ثوم + علبة صلصة طماطم + ملح وماء
ونخلطها في الخلاط
نضع البصل مع شوية زيت على النار ثم نضيف الخضار وجميع مقادير الحشو ما عدا الخل وزيت الزيتون
هنا صورة السيد فلفل بعد ما بقرت بطنه وانتزعت أحشائه ووضعت جثمانه مع أسرته وزوجته الحمرا
تراها أخطر من الباقين
وبجانب مقبرتهم صحن الخضار بعد التكشين والكر والفر في طاوتنا الباسلة
يتبع
وهذا شكلهم بعد ما حشيتهم بالخضار
وبعد الانتهاء من الحشو نرصهم في قدر وما نترك بينهم فراغات <<< باختصار نسوي زحمة
وبعد اكمال الزحمة نخلط الخل مع زيت الزيتون ونضيف شطة وملح وكركم ولا تنسون الملح ونصبهم فوق الجماعة المزحومين
ثم ننتقل لخطوة غير مصورة وهي تغطية القدر بالقصدير ثم بالغطاء بإحكام أو استخدام قدر الضغط أسهل ونحط القدر على النار 10 دقائق أو ربع ساعة ثم نطفي النار ونستنى شوي عشان ما نستنشق البخار أول ما يطلع عارفين ريحة الخل قوية
ونطلعهم بحافظة غير معدنية عشان ما تتأثر بالخل وهذا شكلهم بعد النضج