السيراميك فرد شعر بنتي ماشاءالله وهي تستخدمه مرة بالاسبوع طبعا مع العناية المكثفة

العناية بالشعر

السلام عليكم ورحمة الله وبركاته


السيراميك فرد شعر بنتي ماشاءالله وهي تستخدمه مرة بالاسبوع طبعا مع العناية المكثفة

وانا اقصد هذا الجهاز بيبي لس الاحمر ( بالبخار )<< مانفع لشعر بنتي الا هو الي بالبخار وبس ,,


من اسبوعين لاحظت ان بنتي لما تغسل شعرها ماشاءالله يطلع شبه سايح ومفرود
واستغربت انه كذا يعني يضل تقريبا بنفس شكله لما اعملها سيراميك بس برضو لاحظت
وانا افرق شعرها انه من منبت الشعر ونازل شوي فيه بعض التجعيدات والباقي مفرود
قلت يمكن عشان هذا الشعر الجديد يعني يبغاله وقت على بال ما ينفرد بس والله
اني فرحت لما شفت شعر بنتي مفرود بدون مواد كيميائية ولاغيرها
وانا الحمدلله بعد استخدام السيراميك او قبله داااااااائما اعملها ماسك الزبادي والمايونيز
ومجموعة من الزيوت مع خلطتها المعتادة والحمدلله انه تغير شعر بنتي بشكلللل كبيييييير
طبعا انا عند استخدام المكواة احرص على انه اخلي شعر بنتي نظيف بالمرة يعني يكون
خالي من اي كريم او زيت او بلسم او حمام زيت مثل فاشكول وغيره لان الشعر لما يكون عليه اي طبقة
من هذول الي ذكرتهم واثناء الكي يتغلف نفس الكريم او الزيت على الشعر ويبين انه محترق
فانتبهوا من هالنقطة يعني مكواة السيراميك ماتحتاج لاي مادة تضاف على الشعر
ضروري جدا يكون نظيف وبعد استخدام المكواة كثفوا عنايتكم بشعركم وماراح يخرب باذن الله
والله العناية لها دووووووووور كبيييييير بجمال الشعر ورونقه << حلوة رونقه خخخ
يالله حبايبي انا حبيت افيدكم .. واسفة جداااااااا عالاطالة .. واي استفسار انا حاااااااااااااضرة
34
24K

يلزم عليك تسجيل الدخول أولًا لكتابة تعليق.

تسجيل دخول

بعودي
بعودي
مشكور حبيبتي بس ايش خلطتها المعتاده والزيوت
.. Raansi ..
.. Raansi ..
رفع
~~~~~~ميمونة ~~~~~
~~~~~~ميمونة ~~~~~
مشكورة موضوع جا بوقته بس مافهمت كيف نحط القناع بعد السراميك انا ابي اسوي الجمعه سيراميك عششان يقعد شعرها
حلو اسبوع او عى الاقل نص اسبوع متى احط القناع
&بنت شيوخ&
&بنت شيوخ&
الله يعطيك العافيه .
شمس نجوم
شمس نجوم
مشكورة موضوع جا بوقته بس مافهمت كيف نحط القناع بعد السراميك انا ابي اسوي الجمعه سيراميك عششان يقعد شعرها حلو اسبوع او عى الاقل نص اسبوع متى احط القناع
مشكورة موضوع جا بوقته بس مافهمت كيف نحط القناع بعد السراميك انا ابي اسوي الجمعه سيراميك عششان...
خلطتها عبارة عن
ماسك : (3 ملاعق زبادي + ملعقة مايونيز + ملعقة زبدة + ملعقتين مخلطة من : ( زيت السمسم
+ زيت اللوز الحلو + زيت عافية + سمن ) + ملعقتين مخلطة من الاعشاب التالية انا خلطت الاعشاب
وطحنتها بدون مقادير بس اخلط واطحن ناعم وانخل وخليتهم بعلبة وكل مرة اخذ مقدار ملعقتين على
حسب طول الشعر بنتي شعرها قصير ومكونات الاعشاب هي :
( اكليل الجبل + زعتر بري + الياس + املج مطحون وجاهز من عند العطار + محلب +اقماع بامية مجففة +
قشر موز مجفف + ملوخية مجففة + قهوة عربية مجففة + كاكاو بودرة + نسكافه + قرنفل + حبة البركة
+ سدر + حنة + نشاءذرة )
مثل ماقلت تاخذين مقدار ملعقتين من الاعشاب وتضيفنها على ماسك الزبادي والزيوت واخلطيهم زين
واذا حسيتي انها ثقيلة زيدي عليها زبادي لحد مايطلع الخليط شبه كريمي ودفي الخلطة بالمايكرويف وخليك بمكان دافئ وابتدي من الجذور لحد الاطراف مع التدليك وقراءة الاذكار وفرك الخصل ضروري جدا فركها عشان ينعم الشعر زيادة وبسرعة ينفرد بعد كذا مشطي الشعر باصاااااابعك انتبهي !! باصابعك مو شي ثاني ومن المقدمة لحد الخلف مشطي ومسي الشعر تماما بنفس طريقة الكوافيرة لما تفرد الشعر فهمتي علي
ثم بعد كذا لمي الشعر ولفيه كعكة وغطي الشعر ببونيه او نايلون وخليه من 2 - 4 - 6 ساعات وكلما طال الوقت النتيجة تكون افضل وافضل واغسلي الشعر بشامبو مناسب لشعرك مثلا بانتين للشعر الجاف او التالف وبعد
الاستحمام نشفيه شوي ثم ادهنيه بتونك الفازلين او زيت فاتيكا باللوز بس بشرط لايوصل للجذور انتبهي!! هو فقط كترطيب للشعر التالف او الجاف والمتقصف وبعدين خلي الشعر ينشف تماااااااما ثم مشطيه واقرأي عليه ولميه ولفيه كعكة كرري العملية كل يومين واليوم الي بتعملين فيه مكواة السيراميك اضيفي على الماسك نفسه ملعقة من فاشكول وبوناويل بالقمح روووووووووعة ينعم الشعر وبقوووووة وخليهم نفس الشي 2 - 4 - 6 ساعات على كيفك واغسليه حييل بشامبو وخليه نظيف مرررة ثم نشفي شعرك تماما لاتخلين ولاقطرة موية
واعملي السيراميك واذا كان شعرك اجعد حييييييل استشوريه قبل ثم استخدمي السيراميك
انا الحمدلله ماعاد صرت استخدم لها السشوار قبل السيراميك بس سيراميك على طوووووووول ماشاءالله ..
شرحت لك بالتفصي الممل معليش طولت عليك .. ان شاءالله افدتك ياقلبي ..