حبيبتي لااااااتحطينه مع الرضعه سمعت وحده من دكتورات المنتدى يالدكتورة نجلاء يا علا كاتبه بانه يقلل او يمنع من امتصاص الجسم للكالسيوم الموجود بالحليب افتحي على موضوع الاسئله وراح تلاقين كلامها
انا كنت احطه بس بعد ماقريت كلامها بطلللللت اعطي ولدك دقيق الارز من ماييل مام ما بس اسألي ينفع لاقل من ٦ شهور والا لا انا اعطيه بنتي مرررررره حلو ويتقبلونه الاطفال لان في طعم فانيلا
واهرسي تفاحه مطبوخه على البخار مع شوية موية تمر عشان تصير حاليه شوي ويتقبلها بس ابدأي معاه بملعقتين ثلاث عشان معدته تتعود وتعرفين اذا يتحسس والالا بعدين اذا حسيتيه تقبل زودي الكميه لانها بهذا العمر الاكل اللي تعطينه هو مو للشبع لا ذواقه عشان يتعود على الاكل
وفي بعد الرز المصري اطبخيه واطحنيه ومعاه تمره مقشره وجهزي رضعه من حليب ولدك لو كميه بسيطه من حليبه مولازم رضعه كامله يعني المويه لحد ٣٠ ومكيال واحد من الحليب وصبيها على الرز والتمر واخلطيها الين توصلين للكثافه المطلوبه وياليت مايكون ثقيل يكون اخف من كثافة السيريلاك بشوي عشان الهضم وحطيه بالرضاعه وبالابره بعد ماتعقمينها زودي حجم فتحة حلمة الرضاعه واذا تبين بالملعقه براحتك
هذي وصفها لي دكتور اطفال وقالي من الشهر السادس نبدأ خضار( كوسه بعدين جزر بعدين بطاطس عشان الهضم وبعدين ابدأي اخلطيها مع بعض وبعدين زيدي عليها رز مصري) كل شي بالتدريج وراقبي الله يعزك البراز اذا صاحبه امساك اعطيه عصير نصف برتقاله مع ملعقه صغيره مويه مع ملعقه صغيره زيت زيتون وشربيه
وفي الشهر الثامن او نهاية السابع صفار بيضه مع شوي لبن زبادي او مويه تهرسينها وتاكلينه
وبث >>>>>> مابغيت اخلص
بس اتمنى على كثر الهذره تكونين استفدتي سواء انتي او وحده من الاخوات
والله يحفظلكم كل غالي يارب
انا مجربته في ولدي واللله من جد مره مفيد ومغذي ومسمن بعد ...وكل الي حولي يستخدمونه زيي....