هذا الحلا سويته مرتين مرة لاصحاب زوجي وانجنوا علية جلسوا يحلفونه انه يقول الصدق
هو شغل بيت ولا شغل كوفي شوبات :p
والمرة الثانية اخذتة معي لجمعة حريم
اقسم بالله العظيم انو ما فيه وحدة الا ما سالتني عنه:p
ولاني احب لكم الخير باقولكم الوصفة ومابي الا دعوة بتسخير زوجي لي وصلاح اولادي
نبدا المقادير
كرتون كب كيك لوزين اي نوع انا مرة استخدمت الفانيليا ومرة استخدمت الشوكولاه كلها حلوه
8قطع جبن كيري
علبة حليب نستله الوسط
بيضة
فنجال سكر
فنجال زيت
فنجال موية
هيرشي
لوز مجروش انا ما كان عندي فاستخدمت فول سوداني وبرضو جاء مية مية
ملعقتين قرفة
ملعقتين نسكافية
نجي للطريقه
اولا ترصين الكيك بصينية بايركس
تخلطين بالخلاط الموية والزيت والبيضة والقرفة والنسكافية والسكر
وتصبينها عالكيك وتخرمين كل كيكة بالسكين
وتدخلينها الفرن حااااار من فوق و من تحت خمس دقايق بس لا تزيد عن سبع
وبعدين تخلطين الحليب المركز والجبنة
وتصبينها على الكيك وتزينينه بالمكسرات والهيرشي حسب الرغبة
والتحضير يكون كل كوب كيك في صحن صغير عاد الله يعينكم ما عندي صورة للتحضير:06: بس تخيلوها خخخخخخخ
و على حسب ذوقك تبينه حار او بارد :p
وتمتعي باحلى سينابون :32:<<<<<<<<< متعوب عليها تمتعي
وبالعافية على قلوبكم