السينابون الي اسويه مو اي سينابون

السلام عليكم
كيفكم حبيباتي
اليوم جاي ع بالي اسوي السينابون
والسينابون الي اسويه مو اي سينابون الكل يمدحون فيه من طعامته ويفكرو انه جاهز
عملته بعجينه العشر دقائق هالعجينه اموت فيها وبيني وبينها عشق ابدي

المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
وانا زدت عليها 2 ملعقة حليب بودر ... ﻻ‌ن الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا
بعدين اتركها تتخمر ساعه تقريبا وابدا في الشغل
انا ماصورت الطريقه نسيت والله
بس افرد العجينه واحط قرفه مطحونه وسكر بني والفها وتكون كبيره بعدها اقطعها واحطها في صينه الفرن وتكون متباعده
واخرجها واشربها بنستله وجبن كيري(ست حبات جبن كيري مع نص علبه نستله)
وازينها بالوز والفستق والهرشي
وش اقلكم عن الطعم خرافي
وهذي صورة ع السريع عشان تتحمسو تسوها وياليت اشوف تطبيق




وهنا من قريب معليش تصوير جوال مو واضح كثير