مرحبا اخواتي كيف حالكم
سويت امس بالليل شابوره وماشاء الله طلعت حلوه وطعمها لذيذ لان زوجي يحبها مره وله فتره هو يقول لي سويها
طبعا اسمها شابوره ايرانيه لان فيها ماء ورد وزعفران وممكن تضيفيهم او تشيليهم عادي انا ماضفتهم وطلع طعمها لذيذ وناويه اسويها مره ثانيه واضيفهم للشابوره ان شاء الله
نبدا بالمقادير:
اربع بيضات انا وضعت ثلاث
كاس الاربع سكر ولاتقولون كثير لان حلاها متوسط وماهي حاليه
نصف كوب زيت
ثلاث ملاعق حليب بودره
ثلاث ملاعق ماء ورد منقوع فيه زعفران
ثلاث ملاعق زبادي
راس الملعقه حبه سوداء وشمر وممكن تضيفي يانسون بدل الشمر
ملعقه كبيره باكنج بودر
كوبين ألا ثلث دقيق
الطريقه :
تخلط كل المقادير في الخلاط ماعد الدقيق والبيكنج بودر والحبه السوداء والشمر
يصب الخليط على الدقيق والباكنج بودر والحبه السوداء والشمر
ويخلط الجميع ونعجن ونصب الخليط في صينيه مدونه ونرش الوجه بالسمسم والشمر والحبه السوداء
لازم يكون الفرن حار
وقصري النارلما تدخليها الفرن عشا ماتحترق
واذا استوت قطعيها مستطيلات ودخليها تتحمر من الوجهين يعني من الجوانب وخليها شوي بره عشان تجف واحفظيها في علبه بلاستيك لحين الاستخدام وبالعافيه عليكم
وهذي صورتها بعد ماقطعتها وابي ادخلها عشان تتشقر من الجوانب
وهنا حطيتها بالصحن
نسيت اقولكم هذي الطريقه اخذتها من كتاب خفايفي وسلامتكم
