غيمة شكر :

أقولك أنا وش تسوي .. في كذا حل بإذن الله تستعملين منهم اللي يتوفر لك كل مرة أول شي عندك التشقير ,, لو تعبانة او مكسلة او متعجلة تحفين او تشيلين ,, تجيبي كريم تشقير مثلا او تستعملين البودرة حقت الشعر مع الاكسجين وطريقتها تسوين بحث تحصلينها بالصور هيا ذاتها اللي يسوون فيها تشقير الحاجبين ,, ولما تسوين دايما شي ما تسوي لمكان واحد بس ترا يبين >< لا إذا تسوي تشقير سوي لوجهك كامل بس لا تقربين للجفون ممكن تحت الحاجب شي بسيط لكن جلد الجفون اللي نغمض به هذا مرة رقيق وحساس فوق الوصف وتحت العين يعني مثل ما تحطين ماسك بالضبط تسوي التشقير ,, وبكذا وجهك كله بينور وبيصير لونه واحد وخاصة السوالف اللي بالجوانب هذه جنب الأذن والذقن فيه جولي ايفا وغيره من كريمات التشقير واتبعي الخطوات اللي بالتعليمات المرفقة بالعلبة طيب الشي الثاني وهذه كنت دايم اتردد اسويها واقول ترهل ومدري ايش :/ وبعدين صارت طريقتي المعتمدة ^^ هاتي شيرة / حلاوة سايلة ، لا مو شمع .. السايلة موجودة بكل مكان ,, وتتحطين انبوبتها بموية ساخنة / حمام مائي يعني وتاخذي منها وتفردي على وجهك وتجيبين ورق A4 وتقصين شرايح رفيعة مو مرة بحيث تاخذين الورقة وتحطينها فوق الحلاوة اللي فردتيها على وجهك وتضغطين وتمشين بيدك كذا بحيث تلزق تمام ,, وبعدين تمسكين طرفها وتشدين وشوفي وش طالع :tongue: وخلي جنيك مكعبات ثلج وطبق فيه مويه لاجل تغسلين يدك كل شوي او مناديل ديتول .. اللي ما تحصل الشيرة السايلة هاتي عسل اسود وحطيه على النار في اي شي وقلبي شوي وخذي شوية وحطيهم على رخامة مبلولة لو تجمد خلاص ارفعيها وحطيها بطبق وقلبي وخذي منها وافردي على وجهك وخاصة منطقة الشارب تصير فلة منورة والسوالف تتحدد وواحلى شي فيها تخلي انفك يلقق لق ولا مسام ولا رؤوس سودا ولا اي شي وتنظفه بطريقة تفرح ,, لما تخلصي اغسلي وجهك بمويه مثلجة وصابون ديتول ولا تفركين لانو وجهك مقشر وبسرعة حطي اي مضاد حيوي غرقي وجهك فيه ودلكي برفق لين يمتص لو حسييتي فيه زيادة اضغطي بمنديل يشيل الزايد وابعدي عن الحرارة والدخان والاتربة والشمس ذاك اليوم والاحسن تسوينها بالليل وتنامين لاجل بشرتك ترتاح ممكن تحطي نشا وماء ورد باردين وكل ما تحسين حرارة اغسلي وجهك بماء مثلج او بارد وجففي بالتربيت مو فرك وحطي المضاد الحيوي 3 ايام للاحتياط لو صارت فيه قشور تجيبين قطعة شيرة صغيرة وتحطيها على القشرة وتشدي وتروح علطول وتختفي بعدها افضل شي تتابعين وجهك كل يوم اويومين لو ظهرت شعرة تشيلينها فورا بإيييييييييش ؟ إما بمقص الفتلة او بطريقة الفتلة ايا كانت اللي تعرفينها او ببراون او امجوي او اي آلة ملاقيط وبكذا وجهك نظيف دايما لانك تتابعينه اول باول واذا ظهرت حبوب او شي استعملي صابون ديتول الوردي واسكينول مع دلاسين تي ومضاد حيوي فسيودين او اي نوع وتمتعي بوجه جميل وفم بدون شارب ^^ دعواتكم

أقولك أنا وش تسوي .. في كذا حل بإذن الله تستعملين منهم اللي يتوفر لك كل مرة أول شي عندك...