الشاطرة والخبيرة في الشعر القصير جدا تدخل تعلمني ...التوقيع (غشيمة)

حبيباتي خبيرات القصات وأنواعها وأسماءها..أختكم الغشيمة في ورطة..
قصيت شعري آخر رمضان علشان كنت أبغى أفرده والفرد اللي سويته ما يقبل أي بقايا لفرد قديم أو صبغة قديمة ..وطول شعري شوي خلال هذي الفترة وصار ينلم ببكلة ولله الحمد :22: لكن شكل القصة ما عجبتني وانا للأسف ما أعرف أسماء القصات لكن باحاول أوصف ..هي مثل الكاريه لكن تحتها طبقة ثانية أطول شوي من اللي فوق ..وعلشان وجهي عريض حسيتها عرضته زيادة خاصة إن شعري كان للكتف وكنت أحب ألفلف أطرافه فكان يعطيني شكل ثاني.
المهم ( يا كثر هذرتي) رحت للكوافير أمس وقلت لها أبغاك تدرجين شعري بنفس طوله لأني متعوده على لفلفة الشعر قلت بيصير أسهل في التسريح وأثبت وقامت يعطيها العافية وجابت جهدتها :3_2_21v: لكن سوت لي شي ما كنت أقصده ..ويمكن هي غلطتي إني ما وريتها صورة للقصة اللي أبيها واللي أقصدها .
بصراحة بنات القصة شكلها مو بطال بس مشكلتها قصيرة وهي تشبه القصة اللي دايم يقصونها للبنوتات الصغار حتى سألتها عن اسمها قالت لي هذا تدريج ..
وانا التدريج اللي كنت أقصده اللي نلف فيه الشعر على فوق وهذي تدريج على تحت والطبقة الأخيرة من الشعر تجي ستريت على الرقبة(فهمتو قصدي)؟؟؟
الله يسعدكم اللي فهمت تقولي كيف ممكن أسرح شعري ؟؟ وهل ممكن ألفه على فوق ولا لا؟؟؟لأني توهقت:hahaha: