&&&الشاكرية والرز &&&& مافي الذ منها واكلةمشهورة عندنا

السلام عليكم
هذه طريقتي بطبخ الشاكرية والرز من الاكلات الطيبة والمفضلة لكن للاسف ماقدر انزل صور لكنها سهلة ورح تفهموا الطريقة على طول
المقادير
- 3 كيلو زبادي
- كيلو لحم راس العصفور
- مكعبين ماجي
- بيضتين
- قدر 4 ملاعق نشاء (تقديري)
- كاس صغير رز للشاكرية
- قليل من لية الخاروف للتقلاي
- بصلة صغير للتقلاي
اولا تسلقي اللحم وتحطي فقط كم حبة حيل ورشة فلفل اسود وكم ورقة غار وبصلة قطعيها نصفين ولاتكثري من البهارت لانه طعم الزبادي بيطلع غير طيب اذا طغيت عليه البهارت وبصير لونه غامق
نقوم بخلط الزبادي جيدا بالمضرب حتى تحسيها صارت ملساء ثم تضيفي البيض والنشاء وتخلطيه كويس مع الزبادي ثم تضيفي قليل من الماء لاتكتري يعني بحيث تكسري سماكة الزبادي ثم تضيفي الارز المنقوع على الزبادي قبل وضعه على النار
ثم بتحطي الزبادي على النار وتديريه يعني تظلي تحركيه حركة دائرية لحتى يغلي بتتركي وقتها التحريك
ملاحظة هامة ( هذه الخطوة الاهم بنجاح الشاكرية لانه اذا تركتي التحريك ولو للحظات الزبادي بيفرط والاكلة كلها بتخرب) اهم خطوة لنجاح الشاكرية انو الزبادي مايفرط
وبعد مايغلي اللبن بتضيفي اللحم و كمية من مرق اللحم بحيث لايصير الزبادي سميك ولامريء يعني سماكة متوسطة وبتضيفي مكعبين الماجي وقليل من الملح وبتخلي يغلي على النار لحتى تلاقي الرز الي فيه استوا
وبعدها بمقلاةبتضعي قليل من الزيت على النار وبتفرمي بصلة صغيرة ناعم وبتحطيه فوق الزيت وبتقطعي قطعة صغيرة من لية الخارووف قطع ناعمة وبتحمسيها مع البصلة لحتى تستوي البصلة وتصير ذهبية بتضيفيها فوق الشاكرية وتخليها تغلي شوي حتى تاخد الشاكرية طعم البصلة واللية.
والرز بتطبخيه بالطريقة الي متعودة عليها .
انا طريقتي بطبخ الرز سهلة
اولا بحمس الشعيرية بالسمن وبعد ماتحمر بحمس الرزالمنقوع شوي ثم بضيف الماء وبس يغلي الماء بضيف الرز والملح وبعدين تهدي الغاز حتى يستوي على مهلو وما يلتصق الرز بالقدر
وعياري بالرز ** كاس رز منقوع يحتاج كاس ونصف من الماء واذا غير منقوع يحتاج كاسين من الماء
ارجو انو يكون الشرح مفهوم
وصحتين وعافية