اول مره اشارك فالقسم ده
اليوم اقدم لكم شاورما من اختراعي
احم احم
بسم الله ما شاء الله
المقادير
2بصل و3فص ثوم مفروم
ربع حزمه بقدونس وشبت على حسب الكميه
2طماطم مقطع صغير
رشه ملح وفلفل اسود وكمون
دجاج مقطع صغير هدا اللي كان موجود والافضل صدور دجاج برضو على حسب الكميه اللي تبغيها مثلا 2ساندوتش شاورما واحد صدر دجاج 4 شاوما 2صدر دجاج وهكذا
الصوص عباره عن 2ملعقه مايونيز
1ملعقه زيت زيتون
1ملعقه جبن
1 ملعقه طحينه او قشطه على حسب ماتحبي انا حطيت قشطه
1ملعقه لبن زبادي وازا ما في مو مشكله
خبز صامولي اوخبز شامي على حسب العدد
نضع البصل والثوم في زيت زيتون في صينيه <<< ترى ما اعرف اشرح
نحط الدجاج والابزار عليه ولاحظو انا كنت سالقه الدجاج ومقطعته عشان كده مراح تطول عالنار وازا بدون سلق لازم تطول عالنار مع البصل وشويه مويه
الين تصير كده
ونحط عليها الطماطم والشبت والبقدونس
ونحط الصوص ونبدا نحشي الساندوتش
هنا حطيتها في الحماصه وازا مافي حماصه حطيها في الفرن تطلع لزيزه برضو
وتقدم مع البطاطس المقلي
وبالهناء وبالعافيه
ها ايش رايكم لاتنسو الردود والدعوات الحلوه وازا في تشجيع انزل اطباق ان شاء الله