السلام عليكم ورحمة الله وبركاته ....
سبحان موزع الأرزاق ...هذي قصه حقيقيه صارت ....أقرؤها للنهايه
شايب نوى يشتري له وايت علشان يسقي الحلال ....
وذا الشايب متقاعد وشاري له قطيع غنم ...
وفوقها خمسين ناقه ...فأخذ يجمع له دراهم لين صار عنده حول الخمسه وثمانين ألف ريال ..فقام وتوكل على الله وعزم يروح يدور له وايت ...
صدفه وهو يمشي ،،،يلقى ناس مجتمعه في أرض فضاء كبيره وحولهم وايت واقف ...ويحرجون ..قال بس لقيناه خلني اروح ....اوصل هناك واشوف كم وصل السوم وإذا هم حادينه كم هو عليه ..
وصل عندهم ووقف يسمعهم يحرجون ..واستانس بالحيل لأنه مهوب غالي ..والا ذاك الرجال ماسك الميكروفون ويحرج ،50،52..ومن قال زود ،قال الشايب انشأالله يكون من نصيبي ..ودخل معهم بالحراج ..56ويزودون وهو يزود ...ويزودون وهويزود ..المهم وصلوه 75 ..قام خربها وقالهم 80 ..
هو قالهم 80 يوم طخوا واسكتوا !!!واهجدوا !!:08:
والتفتوا عليه يناظرونه ..ويناظرون بعضهم ...يوم تغامزوا ونقزله واحد منهم ...وسحبه على جنب وقاله شف يارجال أنت باين عليك أبن حلال وطيب بالحيل ..وش رايك نعطيك شيك !!!!بمليون ريال الأن ،،،بس مانشوف وجهك واقف معنا بالحراج ...
انصدم الشايب ..وافتر راسه شوي وقال هااااه .:confused-
وش السالفه ؟؟؟؟مليون ريال ..وليه؟؟؟قاله الرجال خويهم بس خذ هالشيك وتوكل على الله ..والله يستر عليك ولا لك بالطبخه ..:biggrinlo
وش اسمك ؟؟عطاه اسمه وكتب له الشيك بمليون ريال ..وطلع الرجال من الحراج وهو مايدري وش السالفه !!طيب وش العلم علمني ؟؟ إلا واحد قاله ..الجماعه يحرجون على مخطط أراضي وواقفين بالصدفه جمب الوايت اللي بيرشون به الأرض علشان يحرجون ..والحراج من اليوم ب56مليون و75مليون ..وابو الشباب دخل عليهم عرض ولا يدري وش العلم ..وهم بعد اخترشوا يحسبونه هامور وبيلطش عليهم المخطط ..قاموا صرفوه بمليون ..وهو ماصدق ..طاير من الفرحه وهو يقول بخاطره عجزت وانا اجمع خمسه وثمانين ألف ويجيني ذا الرزق من الله ..
فسبحان مقسم الأرزاق على عباده ...الرزق مثل الأجل يتبعك ......
عضوة منتدى @aado_mntd
محررة فضية
يلزم عليك تسجيل الدخول أولًا لكتابة تعليق.
نقاء..! :
سبحان الله قصه حييييل جميله تسلمي ي عسسسسسسسسسل:)سبحان الله قصه حييييل جميله تسلمي ي عسسسسسسسسسل:)
سبحان الله ، ويرزقكم من حيث لا تحتسبون، تسلمي يالغلا على هالقصة الرائعة.
الصفحة الأخيرة
قصه حييييل جميله
تسلمي ي عسسسسسسسسسل:)