بنات مشكووووووووورات كلكم ياللي رديتوا واللي ماردوا والحين اعطيكم برنامجي المكثف اللي عالجلي كل مشاكل شعري حمدالله وترا مااضمن يناسب الكل عشان لا تيي وحده تقولي ماناسب شعري ترا الشعر يختلف وانا اقولكم من البدايه انه شعري جاف طبيعته والفروه دهنيه

اول شي جهزوا هالاغراض المهمه
امبولات الصبار المصريه ايفا تستخدمينهم كل اسبوع مرتين بعد الشور علاج مكثف لمدة شهرين ضد التساقط وضعف نمو الشعر والجفاف ولتكثيف الشعر وتقويته وتطويله

وشامبو بروبوليو بالعسل والعكبر

زيت باراشوت الذهبي مقوي ومنبت للشعر ومرطب عجيب

ماسك dercosمن ماركة vichy
لترميم الشعر وترطيبه وهو علاج مكثف ويهبط الشعر وينفع للشعر التعبان او المصبوغ او التالف

وطبعا زيت جرجير وزيت ثوم هذولي بس تستخدمينهم ساعتين بس قبل الشور وتغطين شعرج بقبعه وتخلين فوقه فوطه

يوميا تستخدمين زيت الجرجير والثوم لمدة اسبوعين تالي تستخدمينه مرتين بالاسبوع بس دايما خلي بشعرج زيت باراشوت وكثري منه قبل الشور بنص ساعه عشان العنايه وغسلي شعرج بكميه بسيطه من الشامبو عشان تستفيدين من الزيوت اللي حطيتيها بشعرج وبعد الشور خلي كميه بسيطه من زيت الباراشوت الذهبي

ولا تنسين تدلكين فروة الشعر عدل لمن تحطين الزيوت ترا هذا السر في الموضوع كله ماينفع تحطين الزيوت من غير تدليك لفتره وراسج مقلوب للارض

واستغني عن الفيتامينات الصناعيه واشتري كافيار من اي جمعيه طعمه كريه بس فايدته عجيبه ومافيه شي صناعي ولا يسمن نفي اي فيتامين ثاني

واتحدى اذا ماطال شعرج ولا كثف على هالبرنامج شوفي النتيجه بشهر وشوفي طول الشعره نفسها ونسبة نموها شلون تتغير للضعف وكل مشاكل شعرج تنتهي انشالله

وترا كل اللي حطيته عن تجربه موفقين انشالله

خخخخخخخخخخخخخخخخخخخخخخ يقطع ابليسج اختي خوش بنيه اي والله صاجه ماشالله تطول الشعر ترا العجفه او الظفيره بشكل غريب

لا تحطين شباصه ال clip احسن :)

الله يجزاك خير على البرنامج الحلو وباين انه مفيد
وإن شاءالله بجربه وبقول لك النتيجه

تسلمون خواتي على الردود واجمعين اختي انشالله تستفيدون من البرنامج