نهاركم سعيد ياحلى حوائيات عاملين ايه ياحلوين
يارب دايما نفضل منورين وموردين كده (موردين دي عندنا يعنى متفتحين زي الورود)
بصوبقى احنا فى فصل الشتاءا وطبعا عارفين ان الشتا بيبهدل اجسامنا جدا من قشرة عالجلد وبهتان في اللون وكده يعنى.. عشان كدة انا هقولكم على نوع من الدلكة هى احنا بنسميها صنفرة يعنى بتصنفر الجسم جامدوبتطلع منه الجلد الميت وبتخليه بيلمع كدة وجميل.. وانتى ممكن تعمليها كل يوم بالليل قبل ماتنامى وتاخدى الشور بتاعك وتحطى لوشن جميل كدة مخلوط بالجلسرين اوكى ؟؟عارفين الجلسرين ليه ؟؟لان الجلسرين مابيخليش الجلد يعمل قشرة بينظف جدا هوفعال جدا للقشرة وانا عن نفسي مابيخلصش عندى فى البيت شتا وصيف ولسة من يومين جايباه من العطار.. وانا كمان بعملو لشفايفى فى الشتا بتقشر كدة فبمسح عليها جلسرين وبسيبه لغاية الصبح وبزيله بمنشفة لكن لازم تكون من القطن عشان ماتوجعكيش والله بيخلى شكل الشفايف ناعم جدا جدا وكمان لما تخرجى الصبح تحطى ليب جلوس ابيض شفاف بيكون جميل عليهم ..انا طولت رغى صح؟؟ اوكى نقول مكونات الدلكة الصنفرة....
قشر برتقان متجفف مقدار كوباية شاى
ربع كوب عسل
جزرتين مسلوقين
حبايتين بطاطس مسلوقين
كوباية ترمس مطحون وده بيتجاب من العطار
ومعلقة كبيرة كركم جسم من العطار
وتلات ملاعق كبيرة زيت زيتون او زيت لوز مر الموجود عندك
نص كوباية طحين اي نوع
ونص كوباية شوفان
وتخلطى المكونات مع بعض وتضيفي ليهم مية لغاية مايبقى عندك خليط سائل تقيل
والطريقة بقى ....
تروحى الحمام بيها وتقلعى كل هدومك اوكى كلها وتمسحى جسمك منها وتدعكى جامد جامد هتلاقى حاجات سودة بتنزل منك هتتساقط بنفسها لان فيها الزيت اوكى ..
وبعد ماتخلصى تستحمى عادى وتنشفى جسمك وتمسحيه باى لوشن عندك مخلوط بالجلسرين زي ماقلنا ..والله العظيم لو داومتى عليها والله العظيم كل الحوليكي هيستغربو انتى بتعملى ايه فى جسمك
وكمان عايزة اقول حاجة مهمةجدا قبل مانسى الصنفرة دى حلوة اوى للعروسات يعنى المقبلات على زواج وتداوم عليها يوميا وهتشوف النتيجة بنفسها
ولازم تحفظيها فى التلاجة لان فيها الجزر والبطاطس اوكى عشان ماتبوظش منك
وانا كدا ابقى خلصت
بالله عليكو اللى يعجبها الموضوع تدعيلي بالزرية الصالحة وربنا يدينى بنوتة جميلة
بحبكم جدا ..جدا
قطوطة شعنونة @ktot_shaanon
عضوة جديدة
يلزم عليك تسجيل الدخول أولًا لكتابة تعليق.
قطوطة شعنونة
•
على فكرة انا سودانية بس الموضوع كتبته بالمصرى لانى اشتركت بيه قبل كدة فى منتدى مصرى والحمد لله كان من المواضيع المميزة وكان متثبت حوالى تلات شهور ..والدلكة دى اغلب الحريم السودانيات بيشتغلو بيها عشان فى مشاركات هنا قديمة بتقول ان السودانيات مايقولو على اسرارهم وده اهم سر للبشرة عندنا عشان مافى وحده تقول مابيقولو على اسرارهم وانا موجودة لاى استفسار لاى حاجة تحبو تعرفوها
الصفحة الأخيرة