طيب بطرح سؤال كمان
مثلا الام الي متزوجه جديد وتو والده من سن الولاده يتعود الطفل انه يشوف امه وابوه من غير ملابس ومرات اثناء الجماع والاهل يستمروا مرات لين سن 3 سنين ومرات يوقفوا عند السنتين
وهذامن اكبر الاغلاط ودائما تحصل امام الولد الكبير او البنت الكبيره
فلابد لكم من التنبيه ترى الاطفال يتاثرون وماشاء الله ماينسون هالامر ويلفتهم جداا

الفكره الثانيه
الان الامهات لمن يطلعوا سواء دوام او طلعه ويتركوا عيالهم مع الشغالات
الحاله الاولى ان الشغاله ممكن تتحرش بالعيال ونفرض ان الاطفال سلموا من هالحاله نجي لحاله ثانيه والكل غفلان منها وهي
ان الشغاله ماتصدق الاهل يطلعوا وتجري تحط التلفزيون واغلبها يامسلسلات مدبلجه(وهي اصل الخراب)
او فلم امريكي كلو بوس ومفصخين
وطبعا الاهل مايدرون عن شي
فنتبهوا

طيب انا عندي حاله بنت وولد قرايب يلعيبون مع بعض ودايم اشوف الولد يحاول يشوف جسمها من داخل ويسوي حركات وهي مسكينه مبسوطه تحسبها لعبه زينه
عمر البنت 3او4 والولد7 ايش اسوي كيف افهمها

هلا حبيبتي ممكن تفهميها بطريقه بسيطه ونفس الشي تقولوا للولد عيب وتقولوا للبنت لاتلعبي مع الاولاد انتي بنونته حلوه انتبهي لايمسكك عشان عيب هذا جسمك لازم محد يشوفه شوي مثلا كيف ماما تلبس العبايه عشان محد من الرجال يشوفوها ونفس الشي تقولها ان الولد ابو 7 سنين ولد زي الرجال الي بالسوق ومثلا لو مسكك بعدين تتطلع لك جروح او اي شي تخوفها يعني والله الموضوع صعب او ممكن تتطنشها وان شاء الله ينسوا الموضوع بس لازم تراقبهم على الاقل وهي كل ماتكون موجوده راح يقل الوضع بين البنت والولد الله يستر عليهم جميعا

السلام عليكم ورحمة الله وبركاته

مساكم الله بالخير خواتي واشكرك الاخت لجونه على عرض الموضوع وتوضيح أهمية ايجاد حلول لة ولكن احب انوه لامر ......

وهو ان هنالك فرق بين التحرش الجنسي(قيام شخص بلمس الطفل في اماكن ممنوعة او عرض مشاهد جنسية امامه او خلع ملابس امامه ...الخ دون ايلاج) وهو ما لاحظت ان اغلب حديث الاخوات عنة....

والشذوذ الجنسي (الميل لنفس الجنس)

بالنسبة للموضوع الاول وهوالتحرش الجنسي فلابد من توعية الابناء وتثقيفهم جنسيا (لدي موضوع عن الثقافة الجنسية من سن ثلاث سنوات إلى مرحلة ما قبل البلوغ)وهو موضوع هام ويحتاج إلى وعي من قبل الاهل ومتابعة لايصال المراد بصورة مبسطة ......ولكن ما طرحته الاخت لجونه وهو الشذوذ الحاصل بين الاولاد مع بعضهم البعض وقيامهم بعلاقات جنسية شاذة(لواط والعياذ بالله)والبنات مع بعضهن البعض وقيامهن بعلاقات شاذة ( سحاق والعياذ بالله) لا ياتي بين يوم وليلة ولكن ينشاء من سوء تربية الابناء وبالتالي يميل الاولاد لنفس الجنس وكذلك البنات فنلاحظ قبل سن الست سنوات ان الاولاد يلعبون مع البنات دون اي حرج او تفكير اي لا يتحزب الاولاد لنفس جنسهم بينما من سن ست سنوات نجد ان الاولاد يميلون للعب مع بعضهم البعض وكذلك البنات ونلاحظ نبذ لاي ولد يقترب من مجموعة البنات او العكس وهنا ياتي دور التربية السليمة في خلق توازن لدي الولد والبنت خلال الفترة من 6إلى 12 سنة فالذي يحدث لبعض الاولاد انهم يميلون إلى الاولاد من جنسهم ويرفضون الجنس الاخر والميل يكون كلي ونفس الشئ بالنسبة للبنات لذى على الاهل ان يخلقوا نوع من التوازن اعطيك مثل :

لكي اغير اتجاة الولد وحتى ما يصير لاسمح الله شاذ جنسيا (يميل للاولاد)اعمل الاتي دائما اذكرة بدورة كرجل واذكرة بالزواج واستغل اي مناسبة عني انا ووالدة علشان اهيئة لدورة كرجل وانه بيكون مسؤول عن زوجة وابناء وإن شاء الله زوجته تكون مثل امه .....الخ

وكذلك بالنسبة للبنت مثلا اقول لها لو شافت ابوها جاب لي هدية او اي غرض امازحها واقول إن شاء الله بكرة لما تتزوجين ربي يرزقك بزوج طيب حبوب مثل ابوك ....بكرة لما تجيبين اولاد حلوين إن شاء الله بتربينهم انت وزوجك مثل ما ربيناك انا وابوك ....الخ يعني اتحين الفرص لانه ثبت لايوجد اي سبب عضوي كما يدعي البعض لوجود مثل هولاء الشواذ ولكن يوجد سوء تربية وتوجية من الاهل....

مع ضرورة الابتعاد عن التغزل في جمال الولد او معاملتة مثل البنات(او العكس للبنت) من قص لشعرة بشكل يماثل البنات او السماح له بالترقق بالصوت والدلع ، لان هذا يجعله يتعود الميوعه فيستهدفة ضعاف النفوس .......وكذلك البنت ....

.نسأل الله السلامة لابنائنا وابناء المسلمين والمسلمات.