الشرهه مو عليك على امك الكسلانه اللي بس تنام

السلام عليكم
بنتي صف خامس فيها إهمال مو طبيعي
ضغطت على نفسي اول وثاني وثالث بعدها قلت خلاص بطنشها تعبت بدون مبالغة عادي جدا نجلس من٤ العصر الى٩ بالليل نحفظ أيتين قلت اجيب معلمه خصوصيه تأسيس خصوصا الحفظ والمسائل الرياضيه اللي يبيلها فهم بنتي ماتستوعب يبيلها يومين عشان افهمها مسأله وحده
لكن أسعار المعلمات الخصوصيات اقل شي ابيها تجلس ساعتين باليوم ١٥٠٠ ريال بالشهر يعني استنزاف ميزانيه شلت فكرت المعلمه الخصوصيه وقلت البنتي انا بحل معاك الواجبات وانتي التلاوة والحفظ عندك اليوتيوب رددي وراه
طبعا اللي معرقل البنت القرأن وكل سنه تجيها معلمة قرأن اشد من اللي قبلها تشدد عجيب ولازم لفظ التجويد وقرأة القرأن قراءه ممتازه بدون تردد
البنت طنشت وسحبت الاسبوع هذا جتني بنتي قالت استاذة القرأن ظربتني وقالت الشرهه مو عليك على امك النوامه الكسلانه خليها تفرح فيك اذا قرأت السجل
انا استغربت جرئتها ضرب وتلفظ علي وانا بيتي وكلام عيب معلمه تقوله
انا ما ابرر أهمال بنتي لا لا حقها تهاوشها تأنبها لكن سب بالأم وضرب بالطالبة شي صراحه يقهر وش هذا
اعترف معلمات قبل يضربوننا ويكفخوننا بعد لكن عمرهن ماجابن طاري اهلنا ولا سبن في أهلنا مع انه قبل فيه جهل بالتعامل مع الطالبات من قبل المعلمات لكن الأهل خط أحمر مايحيبون طاريهم
بس مانقول الا حسبي الله ونعم الوكيل شي يرفع الضغط ويغث مايكفي البنت مستواه نازل وضايق صدري عليها والأب لو اطير ماساعدني عليها او على الاقل جاب معلمه خصوصيه تجي معلمه تسلط علي وانا في بيتي
طبعا بروح يوم الأحد اكلمها الله لايوفقها يارب على كلمتها هذي الله يبلاها في طفل درج مايعرف ولايكتب الحروف وتحس فيني ترى الطفل البليد هذي بلوى ومرض للاهل مالها حل الا بجهد يجيك طفل بالفطره شاطر ويفهم مع المعلمه نفس بنتي الثانيه بصف ثالث بالفطره ذكيه والله ترجع من المعلمه فاهمه كل شي وتحفظ معاي الأيات بعشر دقايق عكس بنتي اللي بخامس تجلس٣ ساعات تحفظ وليتها تحفظها كامله لا وتخربط فيها الطفل الذكي بالدراسه مو كله حرص صحيح حرص له دور لكن ٨٠ بالميه ذكاء فطري وعندي عينه لكن المعلمات مايفهمون يحسبونه إهماال