الشروط الغريبه

السلام عليكم ورحمه الله وبركاته
هل الزواج نصيب ام بسبب معين كثير اختلفو في هذا الشي وهل العيب في شبابنا وشروطهم ولا ايش السبب كتبت هذا الموضوع عشان صارت مواقف خطبه قدام عيوني اول موقف بنت عمي خطبها شخص محترم وسمعته ممتازه ووظيفته مرموقه المهم يوم ملكت وخلاص صارت تتواصل هي وهو قام يسألها عن مؤهلاتها العلميه قالت جامعيه تخصص انقلش قال انتي تروحين على الجامعه قالت لا عن بعد تخيلو فسخ الخطوبه يقول ما ابغى وحده جاهله بنت عمي انصدمت من تصرفاته تخيلو اخر شي تزوج وحده من دوله عربية على ماسمعت انها مؤهلها ثالث ابتدائي طيب من الاساس ليش تهايط يا مريض وموقف ثاني صديقتي سمراء وخطبها واحد يوم شافها على طول قال وع وش ذا الخياس وقال اعذروني مافي نصيب شكلها ما عجبني واهله نفس الشي ليش صارو الشباب فيهم كميه غباء مو طبيعيه اهم شي عندهم المظاهر الأخلاق معد صارو يتطرقون لها ليش يبغون وحده كامله وحتى لو مافيها عيب يطلعون عيب ومواقف كثير لو اعدها لكم ما بخلص الا بكره بعض الأحيان اتمنى اني من الجيل القديم على الأقل الأجيال القديمه رجال بمعنى الكلمه عمرهم ما عيرو احد