الشريعه جاءت بالأنفع في نتف الابط وحلق العانه

السلام عليكم ورحمة الله وبركاته.............. :27:
هلا بحلوات عالم حواء..........حبيت أفيدكم عن الحكمه في نتف الابط وحلق العانه...... قرأت في كتاب التبيان في أقسام القرآن ..لابن قيم الجوزيه..صفحه(275)
التالي: فصل
وأما شعر العانه والابط والأنف فمنفعته تنقية البدن من الفضله ولهذا اذا أزيل من هذا الموضع وجد البدن خفة ونشاطا واذا وفر وجد ثقلا وكسلا وغما ولهذا جاءت الشريعه بحلق العانه ونتف الابط وكان حلق العانه أولى من نتفها لصلابة الشعر وتأذي صاحبها بنتفه وكان نتف الابط أولى من حلقه لضعف الشعر هناك وتعجل نباته بالحلق فجاءت الشريعه بالأنفع في هذا وهذا.
هذا الي قريته في الكتاب كتبته لكم بالضبط ..........وبصراحه أنا مقتنعه بهذا الكلام لأني كنت من الي يستخدمون الحلاوه ويشلون بالنتف وبصراحه فعلا المنطقه وايد حساسه وتتخدر كم يوم بعد الشل وعند النتف يطلع الدم والألم حدث ولا حرج.. وهذا عن تجربتي الشخصيه ..وقريت بعد في المنتدى موضوع لوحده من الاخوات الله يجزيها كل الخير .. كتبت عن وحده نقلوها للمستشفى فيها مثل الشلل بالمنطقه الحساسه ..على حسب فهمي للموضوع انه نتف الشعر بالحلاوه من المنطقه الحساسه سبب لها موت الأعصاب في المنطقه الحساسه..وأحب أقولكم شي مهم وبذات المتزوجات..وايد من الرياييل يشتكون من حريمهم ويدورون حريم غير من الأجنبيات أوحتى العربيات ..والسبب مثل ما يقولون انه زوجاتهم باردات و مايحسون فيهم..ترى أنا بنت ومب متزوجه بس هذا الي أسمعه وأستغرب معقول كل الحريم باردات ما أدري يمكن السبب هو طريقة النتف للمنطقه الحساسه .. الله أعلم
المهم أنا خفت على نفسي وبلغت خواتي واشترت كل وحده ماكينة حلاقه نسائيه وودعنا الحلاوه..خلاص ما بنستخدم الحلاوه للمنطقه الحساسه .. صراحه الحلاوه وايد أنظف ويقل الشعر كل ما تشلين رغم الألم لكن الحمد لله الشريعه جاءت بالأنفع حلق العانه هو الأفضل رغم كل العيوب .. الله يعينا.
الحين أنا طرحت موضوعي عشان تستفيدون وتقدرون تقرون الكتاب.. وهذا الكلام أنا ماألزم أي وحده فيه الي تقتنع تسوي الي تشوفه مفيد لها والي ما اقتنعت هي حره.. الله يستر علينا وعلى نساء المسلمين.

:26: :26: :26:
والله يا أخواتي لم أكتب هذا الموضوع الا بعد ان قرأت كثير من الموضوعات لأخواتنا يسألن عن الحكمه في حلق العانه وأخريات يسألن عن كريمات للتخدير الموضعي حتى يستطعن نزع الشعر بالحلاوه وهذا أخطر لما فيه من آثار جانبيه..وهذا بصراحه جعلني أتألم عليهن .. أسأل الله أن يغفر لنا وللمسلمات ويوفقنا لما يحبه ويرضاه..
هذا ما عندي فان كان صوابا فمن الله وان كان خطأ فمني ومن الشيطان.. أسأل الله السداد والثبات..والسلام عليكم ورحمة الله وبركاته..