الششبرك

الششبرك انا كتير بحبها وزاكية اكلة سورية بس بعملوها اهل الاردن وفلسطين و لبنان
المقادير
كاستين طحين
رشة زيت
ماء للعجين
رشة ملح بسيطة
مقادير الحشوة
بصلة ناعمة
نصف كيلو لحمة مفرومة ناعم
و كمان بتحتاجي علبة لبن زبادي وزن نصف كيلو وملعقتين نشا كبار
الطريقة اول شي بتحطي الطحين والزيت و الملح و يتعجنيهم لحد ما تصير عجينة متماسكة وسهلة التشكيل
بعدين بتخليها ترتاح 10 دقايق وبتحضري الحشوة بتفرمي البصلة وبتقليها ومعها اللحمة و بتحطي عليها شوية ملح وفلفل اسود وبهار
بترجعي للعجين بتفرديها بمرق العجين اللي بنفرد فيه العجين بتخليها رقيقة بعدين بتقطعي العجين بقالب مدور اي شي مدور و صغير متل فنجان قهوة صغير او ممكن غطا قنينة وبعدين بتحشيها متل القطايف و بتلفيها متل الدائرة و بس تخلصي بتحطي كل اللي عملتيهم بالفرن 7 دقايق من فوق و7 من تحت بعدين بتجيبي اللبن على ابريق الخلاط بتحطي اللبن والنشا وبتخلطي وبعدين بتحطي كل المكونات بطنجرة و بتغليهم 10 دقايق وبتحركي على طول وبعدين بتحطي ماجي حسب الرغبة و بتهرسي توم وبتقلي مع كزبرة ناعمة وبتحطي عليه و بتخليه يغلي شوي ازا شفتيه جامد زيدي شوية ماء حتى تشوفي انه صارر منيح وضلي حركيه و بس تسكبيه زينيه بالتوم المقلي وع الكزبرة و بس