انا شعري خفيف بس الحمدلله الحين احسه احسن والطريقة اتبعتها قبل شهر ونص تقريباً من أول شهر 6 خلطة زيت خروع مع زيت صانسيلك الزيوت السبعة تراه نوع جديد واحطه يوم الجمعه من 4ساعات واكثر احياناً واغطيه ببلاستيك الرول حق السندوتشات حقت عيالي اما يوم الأثنين احط سدر مع زبادي وبيض وشوي خل واغطيه ببلاستك نفس الطريقة احياناً احط حنه واحياناً لا بس والله شعري متحسن 75% وباقي مستمرة حتى ارضى عنه 100% وللمعلومية بعد الغسيل استعمل فاشكول او اي حمام زيت بعد الخلطة أو الزيت ويارب تكثر شعورنا وتصير زينه

انا اقولج استخدمي الخروع والله انا شعري خفيف وما كنت اهتم فية بس الحين ما اقولج صار كثيف حيل بس تحسن اكثر من قبل وانا مرة شفت مقابلة مع وحدة في التلفزيون تقول انج تستخمين النخاع حق الخروف وتسيحينة في الفرن لين يصير نفس الزبدة السايحة وشوية زيت زيتون وانا بيني وبينج ناوية اجربة انشاء الله عن قريب.وسالت جارتنا ومدحتة لي بس على فكرة بالبداية رح يطيح الشعر حيل وبعدين تنبت الشعرة من اول وجديد

مشكورين على المعلومات الحلوه والله يوفقكم

أختي أنا بصراحة خالتي نصحتني بزيت الثوم وقالت ان بنت خالتي كان فيها الثعلبة وبفضل هالزيت الشعر رجع وطلع لها في الاماكن الفاضية وشعرها صار غليظ وااايد بس مادري لو هالزيت بفيد لك أنواع الشعور

بصراحة أنا استخدمته بس ريحته ذبحتني عشان جيه وقفت

وجربي زيت الجرجير بعد

انا دكتورة الجلدية قالتلي عن مجموعة الشعر ل زين الاتاث وقالتلي كثير ناس يمدحولي اياها