احيانا انظف واحس براحة بس بعد ماخلص يجيلي صوت فراسي أنتي مو شغالة عشان تنظفي له بعد البيت والثلاجة وماشوف الا ازعل خلاص ماودي انظف مرة ثانية 😫

ي هلا بك اختي
أنا البنت الكبيره وكنت شايله مسؤوليه البيت عن امي الله يطول بعمرها
وأساعدها ب أخواني الصغار وخواتي
اول كنت أتذمر
الله يغفر لي وقول ش معنى خواتي ومن ذا الكلام بس بعدين
صرت أساعد الوالده واحتسبه لوجه الله
وشعور حلو انك تبذلين شيء وتدرين بتلقين أجره عند الله
وصرت أشوف نظرات امي لي وانا مخففه عنها اشغال البيت ومسؤولية اخواني الصغار
ودايم تدعي لي ♥️ربي يطول بعمرها ويحفظها
بعد الزواج
الشغل مو جديد علي
بس الجديد أن فيه مسؤليات كثير
تفرق عن انك ببيت اهلك
زوج يبي حقه والبيت والأطفال ربي يحفظهم
ونفسك
والدوره والحمل الهرمونات تلعب بالنفسية
بس الحمدلله كله ب أجره إذا أحتسبناه عند الله
وأنتي ياقلبي أدي حقوقك اللي الله أمرك فيهم مع زوجك
وشغل البيت لاتظغطين ع نفسك
جيبي لك شغاله مجرب شغلها
وخليها تنظف لك البيت تنظيف عميق
واذا مالك خلق عليهمالشغالات

امسكي البيت حبه حبه وبالعدال لأنك زي مافهمت حامل ربي يقومك ب السلامه
يعني مثلاً اليوم غرفتك دولاب الملابس
والسرير غيري مفرشه هوي الغرفه بخريها
امسحيها إذا سراميك

وغرفة ضيوف الحريم إذا مافيها شيل وحط اغراض ثقيله
كنس ومسح الطاولات تبخريها وتسكريها ويصير ماتفتحيها إلا بيجونك ناس

خلاص كذا اول يوم

ثاني يوم مجلس الرجال ودورات المياه
تنظيف عميق
اهم شيء مايكون فيه شيء فوق طاقتك أنتي أدرى ي قلبي بوضعك
فيه اللي لو تطول وهي حانية ظهرها تعبت من الحمل وماشاء الله فيه اللي تشيل وتحط وعادي أمورها مااااشيه
اهم شي وضعك

اي نرجع خلصنا مجالس الرجال ودورات المياه

اليوم الثالث المطبخ غسيل وترتيب وتنظيف الغاز


يعني خلي لك كل يوم شغله ترتبينها
لأن ماتقدرين ع البيت كله مره وحده

وخلي الوقت اللي بتنظفين فيه
طويل ومايكون وقت وجبه
يعني مثلاً الظهر بعد ماينامون اهل بيتك إذا مافيك نوم اجلسي خلصي وانجزي
والله يبارك لك بوقتك وبصحتك وببيتك
اعذريني الكلام مو منظم
بس كتبه ع عجل
دمتي بحفظ الرحمن غاليتي

سبحان الله نفس شعوري بس انا لسا ما تزوجت بس مجرد اني اشتغل بالبيت بحس بالإهانة و دائما بقول مستحيل اتزوج الا يكون عندي خدامة أنا شغل البيت فوراً اتعب يعني ادرس عشر ساعات و لا اشتغل ربع ساعة بالبيت

انتي هرمونات الحمل لاعبة في نفسيتك 😁
النظافه من الأيمان يعني تتركين بيتك وسخ ومكركب بيتك مسؤوليتك لما يكون البيت معفوس نفسياً ما ترتاحين
دامك حامل سوي اللي تقدرين عليه وجيبي شغاله بالساعه انا مجربه راحه ماجربت غيرهم
تجيك على حسب الوقت اللي انتي تختارينه فيه ٤. ساعات وفيه ٨ والعدد اللي انتي تبين وحده او اكثر وماتروح الا لما ينتهي الوقت مثلاً اخترتي ٤ ساعات مايجيها السواق الا بعد ماتكمل ٤ ساعات

فيه كتاب اسمه سحر الترتيب جداً جميل
وله مقاطع كثيره باليوتيوب اكتبي سحر الترتيب ويطلع لك

شوفي حبيبتي هذا شيطان يلعب براسك و مع هرمونات الحمل ممكن داخله بداية اكتئاب حمل ...
فكري به بالعقل و بالدين وتذكري انك لما تنظفين و ترتبين و تقومين بالمسؤوليه كامله لك أجر عظييييييم كأجر المجاهد في سبيل الله ....
.....................

طيب نجي للبيت ماعندك اطفال انتي و زوجك فقط مافي مانع تجيبي شغاله بالساعات مره كل اسبوع او اسبوعين تسوي لك عزل كامل للبيت ...
لكن اليومي عندك دورات المياه _ مواعين الأكل جيبي غسالة مواعين _ الصاله ترتيب يعني ماعندك شئ ... لاتجهدين نفسك يوميا ....
غسل الملابس مرتين بالاسبوع و غساله اتوماتيكي و قولي لزوجك يعاونك اذا عادي عنده الوضع ...

ياحبيبتي كلنا مرة علينا كذا اول زواج لنا لأننا مدلعات ببيت اهالينا لا مسؤوليه ننام و نقوم على كيفنا و الشغالات رايحه و جايه
ومن تزوجنا صار كل شئ علينا و مع الوقت الحمدلله نجحنا و خلفنا بدال الطفل خمسه و تأقلمنا ليييييه ؟ لأننا نبي الاجر ....