الشغالات

السلام عليكم ورحمة الله وبركاته
انا قريت مواضيع كثيره في الفتره الاخيره وسمعت من قريباتي كثير حريم يشتكون من الشغالات الجديدات وخصوصا الأثيوبيه قلت اقولكم على نقاط يمكن غايبه عنكم
اول شي اغلبهم راح يجونكم وبلدهم فقيره وما عندهم النعم اللي عندنا ومنها الاجهزه الكهربائيه , مو زينا كل بيت فيه غساله ومكنسه ومكواة ملابس يمكن بعضهم ماعمرهم شافوها علشان كذا ما يعرفون لها
عطيها وقت وعلميها واصبري عليها وتوقعي بعد انها تخربهم بعد احنا تعودنا على الاندونيسيات يجون عارفات لانهم من سنين يجون عندنا واغلبهم مشتغله اكثر من مره

ثاني شي هم جايين من فقر وجوع والتغذيه مو قد كذا يعني تجيك وحده فيها فقر دم ونقص في الفيتامينات و المعادن اكيد بتكون مرهقه وكسوله وما فيها طاقه لو فيك انتي فقر دم كان ما خليتي مجلس ما شكيتي فيه وش فقر الدم مسوي فيك مع انه حنا في نعمه نقدر نروح اقرب مستوصف وناخذ دواء ونصير احسن هم ما عندهم النعمه هذي يمكن المستشفيات قليله وبعيده والعلاج يكلف تذكروا ترا اثيوبيا في افريقا افقر قاره

ثالث شي استغلي انها ما تعرف شي ودربيها على اللي انتي تحبين واصبري ما احد يطلع من بطن امه يعرف كل شي واحسن انها ما تعرف لغتنا والله يا أن اسرار البيوت ما طلعها الا عرف الشغاله للغتنا تجيك الوحده مشتغله قبل كذا وما تخلي شي ما تقوله عن مكفولينها الأولين
هذي بعض الامور والاخوات يكملون الباقي واحمدي الله انك انتي اللي جايتك الشغاله مو انتي جايه عندها
ا