الشغالات شر لابد منه

السلام عليكم

بدخل بالموضوع دغري لاني مره وصلت حدي

مشكلتي الا وهياء شغالتي انا اول مره اقدم شغاله ولها عندي الحين سنه وست شهور يعني باقي لها ست شهور وتطس

من اول ماجت وهي قوية وجه يعني تحب تكلم الرجاجيل تعمد تطلع سيقانها احيانا ولاشعرها بس اذ كلمتها تعدلت

وانا مو من النوع الي ينافخ ع الشغالات لا والله اخاف الله فيهم واخاف ع بناتي منها اخاف تسوي فيهم شي المهم هي حركاتها من اول

بس من تالي صايره تنافخ علي وتعاندي مثلا اقولها غسيل الملابس الصباح بس وهي ماشيه عليه من جت

وجتها فتره ماتغسل الا العصر اذا صرت انا وزوجي جالسين وبيتنا شقه يعني حمام الغسيل قدام الصاله ع طول

وكلمتها وانتظمت اسبوع تقريبا وبعدها رجعت سوتها مره ثانيه وارجع واهواشها لانه مره ارتفع ضغطي

وتحسبونها تابت وربي انها كررتها تقريبا خمس مرات ومسكتها وتفاهمت معها وتاسفت مدري مستهينه فيني لاني ماهواشها ولا اعرفع صوتي عليها واراعيها وربي مدري وش مشكلتها وهي مو كبيره عمره 22 بس

وهذا كله كوم والفتره هذي كوم ثاني لانها صارت تنفخ علي اذا ناديتها تسفهني تنفخ علي قدام خواتي وقدام اي احد غريب واذا تكلمت عليها ترادني

ومع ذاللد الايام هذي جتها نزلت برد وربي ماخليتها قمت فيها وديتها للمستوصف واجيبلها الاكل لحد عندها واطل عليها بالليل كله مراعة لله مو عشان سواد عيونها

ومع ذاللك توها اليوم تصحصح واقولها اذا تعبانه روحي ارتاحي وتنفخ علي ونفس حركاتها تسويها

انا تعبت مدري وش اسوي معها وربي لو مو بحاجتها كان ماقعدت عندي ولادقيقه بس بعد شهرين تقريبا بولد ومحتاجتها
مع اني خايفه تفشلني قدام اهلي وكل شوي ترز خشتها قدام اخواني

هي حليوه مع بنتي الصغيره ولابنتي الكبيره هي وياها مغير مناقر

وربي تعبت مدري وش اسوي معها اكلمها انا ذالايام سافهتها لانها بتروح خفت اتكلم معها تسويلنا شي

تكفون دلوني وش اسوي معها