الشغالات والجوال

والله يا ورديه حطيتي ايدك على الجرح000 يعني مافي شغاله الا ومعها جوال
انا شغالتي الاوله اول ماجت عادي ماكان معها جوال بعدين بعد فتره واختلاطها مع باقي الشغالات صار معها جوال ومخبيته عني والله اشوفه معها في جيبها بس في البدايه طنشت وسويت نفسي مااشوفه:35: بعدين شوي شوي صارت ترزه قدامي يعني ترا عادي عاد يوم شفتها عصبت :angry2: قلتلها تعطيني الجوال وسوتها زعله ونياح :icon33: وقالت ابسافر عاد انا توهقت محتاجه لها:09:
رحت شرطت عليها انها ماتنزل الجوال من غرفتها ابدا حتى لو طلعنا ماتاخذه وش ااسوي يالله من شراله من حلاله عله
وانا اشوف ان جمعات الشغالات تخرب بعض يعني تجي الوحده مافي راسها شي ويبدون الشغالات المتمرسات:30: يقرقون فوق راسها ويقلبون راسها وتجي للبيت منتفخه ويصير شغلها زي وجهها:angry:
وبعدين الحين جت شرايح التعبئه وفرت عليهم وصارت سهله مع جوال مستعمل

عاد انا راحت شغالتي ام جوال وجتني وحده جديده من بلدها طازه وغبيه وماتفهم شي والتفاهم معها بالاشارات :booo: عاد انا سمعت ان معها جوال وجع ماامداها ياربي الله يعين قلبي والله انهم شر لابد منه:( 000

بصراحة لا اؤيد الجوال مع الشغالة
وهي اذا شافت المجتمع اللي حولها ما معهم جوالات ما راح تطلب
لكن اذا شافت الشغالات الثانيات معهم وهي لا اكيد راح تطلب

والله ما ينفع معهم..إذا حطته في راسها بتجيبه يعني بتجيبه

شوفي شغالتي مهددتها لو أشوف معك جوال مره ثانيه راح أسفرك للفلبين بس ما ردت علي وجابت جوال ..ولقيتها مخبيته وإنتم بكرامه في كيس الفوط الصحيه طبعا لأني بإستمرار أفتش أغراضها

والله انا مستغربه من هالظاهره اللي ما لامها داعي صراحه

شغالة خالي مانعينها منعا بااااتا تكلم السواق ومالها علاقه فيه

ذاك اليوم لقوا عندها جوال لما سالوها من وين قالت انها طلبته من حرمه في المسجد وعطتها فلوس جابته

(( كان رمضان ومرة خالي حتى لو ماكان عليها صلاه تخلي الشغاله تروح المسجد قدام البيت ))

بعدين اكتشفوا انها طالبته من السواق عطته فلوس وجاب لها

وشغالة ام زوجي عندها جوال و ..و .. كللللللللللن صار عنده جوال

مافي الحين شغاله ماعندها جوال وحتى لو اخذتيه منها بتجيب لها ثاني باي طريقه
اعرف وحده لقت عند شغالاتها جوال وخذته منها وبعد كم يوم لقت عندها جوالين بدال الجوال
واذا كلمتيهم كرفنو عليك وطلع عليك اكثر من بيع السوق يعني ماتكلمينها احسن
بس انا اهم شي عندي لااشوفها تكلم في وجهي لاني لو اشوفها احس اني اكرهها كرة غير طبيعي
واذا كلمتيهم بصراحه هذول ينخاف منهم خاصه الاندونسيات السحر عندهم مثل شربه الماي وكل شي تحت يدهم في البيت