الشغالة الاثيوبية ومكتب الاستقدام شوفو وش صار

انا موظفة وعندي اطفال وبعد صبر طويل اقتنع زوجي أجيب شغالة واستقدمت اثيوبية ولما جتني ورتني النجوم في عز الظهر وصلت عندي يد ورا ويد قدام طلعت السوق وشريت لها ملابس وأغراض وعباية وكلفتني أغراضها في حدود 500 ريال تصورو كلمة شكرًا ما سمعتها منها كملت اربعة ايام وهي دووم نائمة ما تسوي شي ولما أكلمها تسوي حالها ما تفهم عربي ولا حتى انجليزي اتصلت على المكتب رد علي واحد سوداني قال لي اصبري عليها حتى تتعلم وصبرت عليها أسبوعين جلست عندي ملكة هي دووم جالسة او نائمة وانا اخدم واسوي الأكل واقدمها إياه ادتني تهاوش وترفع صوتها وتضرب الاطفال شرانية وحركة صارت تسويها لما يرجع زوجي من دوامه تركض عند المدخل تستقبله وهو يفاجأ ويتخرع منها جابت لي الهم والقلق وصرت أخاف منها وسخة وما ترضى تتحمم وتتنظف كلمت المكتب وقلت لهم ما ابيها قال خلاص جيبيها ولما وديتها ما رضوا ياخذوها قالوا لنا ودوها الشرطة وسالفة إجراءات طويلة روحة وجية وعذاب تخيلوا انا جبتها عشان ارتاح ابتليت بها بصراحة قهرنا صاحب المكتب تركناها وسلمنا جوازها ومشينا وبعدين الساعة 12 الليل اتصلوا علينا الشرطة بخصوصها ومن يومها وحنا متبهدلين وآخر شي مطلوب منا نسفرها على حسابنا وين العدل والإنصاف وكملت اللحين 3 شهور وطول هالمدة وهي موجودة عند شؤون الخادمات راح يخرب بيتي زوجي حده مقهور لانها شحططتنا في الشرطة وتعبنا من همها شورو علي وش اسوي انا ما استفدت من استقدامها شي غير الهم وخسارتي لراحة قلبي وفلوسي صرت انا الخادمة عندها ساعدوني اخلص من همي هذا رفع الله عنكم كل هم وغم وجزيتم خيرا