![[ ماكنتوش ]](https://cdn.hawaaworld.com/images/user_avatar.png){kind=avatar}
[ ماكنتوش ] @makntosh_4
محررة برونزية
الشغاله ابكتني
السلام عليكم ورحمة الله ،،
ماادري من وين ابداء بصراحه ، لان اللي شفته شي صعب
لي يومين جايه من ديرتنا ، وياليتنا ماسافرنا :(
جدتي الله يطول بعمرها ويهديها ساكنه ببيت بروحها { دور ارضي} و طبعا عندها شغاله
والدور العلوي ساكنه فيه خالتي
المهم ،، اننا اول ماوصلنا بيت الجده ، كانت وقتها عندها موعد
واللي استقبلتنا الشغاله
دخلنا وتقهوينا وعينا من الله خير ، واروح انا واختي للمطبخ ونلقاه مرتب من احسن مايكون
واشوف الصاله نظييييفه و مرتبه << ما كأنه بيت عجوز ماشاء الله :ohmy:
جت الشغاله وقامت تشكي وتقول ان الجده ضربتها امس على كتفها
و انها تحرمها من الاكل اللي بالثلاجه ، انها تروح تأكل في بيت خالتي فوق
طبعا الشغاله قايمه في البيتين الاثنيين
سمعت امي التشكي ونادتها ، وقالت الشغاله ، ماما انتا مافيه قول <<وتهز راسها
أمي وقتها بكت ، وعاد انا مااتحمل اشوف امي تبكي وبكيت مثلها :44:
و الشغيغيله المسيكينه تقول ماما انتا في كويس
وكل التشكي اللي قالته للاسف شفناه بعيوننا يوم جت جدتي
و في اليوم الثاني كانوا امي و جدتي والشغاله بالمطبخ وصارت هوشه بين الثنتين المعنيات ، وحاولت امي تهدي الوضع لان الجده الله يهديها مسويه مشكله من لا شئ ، وامي تحاول وتحاول وتبوس راس جدتي تترك الشغاله بحالها لكن مافيه فايده ،وش سوت امي بكت وطلعت من المطبخ ولحقتها الشغاله تهديها وتساعدها بالمشي وتقول ماما خلاص انا اصبر علشان انتا بس انتا مافيه روح
للعلم ، خالتي معاملتها مع الشغاله جدا ممتازه ، لكن جدتي :frown:
اذا قلنا لها لا تسوين فيها كذا يكفي انها قايمه بالبيتين ، ويكفي انها ماهي مثل باقي الشغالات اللي لسانهم وش طوله ، قالت هذي شغاله
استغرب ، واذا شغاله مالها رب ، يكفي انها مسلمه ،،تقول خالتي مره دخلت غرفتها ابي اكلمها لقيتها تدعي
الله يهديها جدتي ماتخاف من دعوه المظلوم
الحين رجعنا الرياض بالسلامه و لله الحمد والمنه
لكن قلبي هناك عند الشغاله الصابره
فكرت نأخذها من جدتي ونخليها تشتغل عندنا ، لكن اولا ابوي مايقدر على صرفيتها ، وثانيا خالتي تحتاجها ولاراح توافق، وثالثا متأكده ان جدتي بتجيب شغاله ثانيه وبتعاملها نفس المعامله
وش الحل يابنات غير النصيحه ، لاني نصحت انا وامي ليييييين بكينا ، و ادعو لـ جدتي ان الله يهديها ويحنن قلبها على الشغاله وتعاملها بالحسنى
على فكره اللي قهرني اكثر ان الشغاله متزوجه و ام لـ 7 :icon33:
ادري اني طولت بالحكي ، لكن وربي من اللي شفته وهذا غيض من فيض للاسف ،،
23
2K
هذا الموضوع مغلق.
ياقلبي عليكم فديتكم كلكم احاس
طيب اسألو الجده ليه تعامله كذا
وفهموها كيف معاملة لنبي للخدم
وقولها من قصص الخادمات وانتقامهن وان هذي زينه :)
طيب اسألو الجده ليه تعامله كذا
وفهموها كيف معاملة لنبي للخدم
وقولها من قصص الخادمات وانتقامهن وان هذي زينه :)
الصفحة الأخيرة
ما شاء الله عليك إنتي و أمك
و بصراحة هذا حال معظم كبار السن مع الخدم
هل تعرفين لماذا؟ لأنهم يشعرون بالظلم من الناس و أي ناس, أقرب الأقرباء. يشعرون بأنه لم تعد لهم قيمة في الحياة و انشغل أبنائهم عنهم و أصبحوا وحيدين في الحياة
تجدينهم يحاولون أن يشعروا بقيمتهم من خلال سيطرتهم على الخدم و تفريغ غضبهم فيهم
أقول هذا لأنني أرى جدتي كلما تشاجرت مع خالتي التي تسكن معها في المنزل و شعرت بأن ابنتها لا تسمع لها و لا تهتم لرأيها, قامت بالشجار مع الخادمة لتفرغ غضبها
أفضل حل هو أن تقوم خالتك بإحتواء جدتك و معاملتها بحنان أكبر و مشاورتها في كل أمورها لتشعر بان لها قيمة في الحياة
و أظن و الله أعلم بأن جدتك كانت من النوع القاسي في تربيتها لأولادها.. أعني بأنها كانت شديدة معهم.. و تمارس الآن نفس الشدة مع الخادمة