الشغاله تقول ان زوجي اغتصبها

السلام عليكم
قبل اسبوع جتني شغاله فلبينيه واصلا انا صار لي فتره اموري مع زوجي مش تمام فما كنت اكلمه وحنا ساكنين بمحافظه بعيده عن الرياض فراح زوجي للرياض وجاب الشغاله وانا ماادري ولا علمني شي وهي اصلا مو لي لاهله وبيحطها عندي لين ماتروح شغالتهم وشغالة اهله قالت خلاص هونت عن الروحه فحطها عندي لين مايقدر يشوف يبيعها ع احد
الشغاله من جتني كانت ماهي مضبوطه كانها خايفه او فيها شي مو مضبوط لدرجة اول مره اقرا ع شغاله ورد ماادري يمكن لاني خفت منها
ثاني يوم جيت وفتشت شنطتها ولقيت معها شورتات وعطور وارواج وحبوب واخذتهن وقلت لها اذا رحتي من عندي رجعتهن لك لان اصلا ماهي لي واتوقعت بالكثير بتجلس مده شهر مو اكثر
حتى ملابس اعطيتها من عندي وماكان عاجبها تلبس شي ساتر تبي يونيفررم يعني بنطلون وبلوزه والشعر مفكوك ولقيت جوال فيه كاميرا معها قالت لي تكفين لاتاخذينه انا اوعدك بس وقت النوم افتحه وقلت لها مو مشكله لكن ماراح افتح النت لك الا يومين بس وحسيت ماعجبها وعندي تطلع لابسه بناطيل وبلايز ولما لبستها قمصان قلت لها البسي تحتهم بلايز لان الكم قصير بس ماطاعت ولا حطت شي ع شعرها ومع كذا تركتها قلت مو لي ماله داعي اشدد عليها
ثاني يوم اعطيتها شغل عادي مو كثير مره خزاين اعيالي الثلاثه وكل شوي اقولها خوذي راحه واعطيها كيك وكوفي وتقولي خليه بعدين وخليتها تنام من ٨ وهي ماخلصت الشغل وفعلا ماصدقت خبر راحت تركض ع غرفتها وماقامت ثاني يوم الا ع ٦ يعني شبعت نوم
رجعت نمت بعد ماراحو اعيالي للمدرسه وزوجي وقتها غاب ومش عارفه ليه بس كان وقتها يقول تعبان ومرهق
بعد كذا هو صحى قبلي وطلع ورجعت نمت صحاني ع ١٠ ونص وقالي قولي للشغاله تجهز حالها بنروح للمستشفى عشان الاقامه ورحت لبستها وقلت له المفروض اجي معكم قالي الولد الصغير نايم وبنتي قربت تطلع من الروضه وعموما زوجي هو اللي قايم بكل شغالات اهله يجيبهم من المطار لحاله ويوديهم للمستشفى فعادي مااستنكرت رجعت ابنام وماش احس جلست افكر انه ممكن ماحذها يسوي معها شي وكاني حلمت انه فعلا جاها بس انا متاكده اني غفيت مانمت بعد كذا صحيت وعلى فراشي وناظرت الساعه كانت ١١ بقى لبنتي شوي وتجي فطلعت بالصاله ولقيت زوجي جاي والشغاله بالمطبخ
وزوجي اصلا مو معطته حاجته بسبة الزعل اللي بيني وبينه من اسبوع والاسبوع اللي بعدها جتني الدوره واصلا من اتزوجته وحنا بيننا مشاكل بعد كذا جيت وابركب ع الغدا والشغاله تشتغل عادي وتقطع البصل وبعذ ساعه ونص طلعت من غرفتي بعد صلاة الظهر ولقيتها واقفه بالصاله وتناظر اعيالي اقولها وش فيك ماترد متصلبه وشوي شوي بدت عيونها تدمع واخذتها للمجلس بعيد عن الاعيال قالت اخاف اقولك وش فيه وبس تكرر هالكلمه قلت لا عادي وتصيح وتقول اخاف من ردة فعلك بس تردد هالكلام هي مو ضامنه وش بتكون ردة فعلي وطمنتها وهديتها وقلت عادي انا زي اختك وواقفه معك قولي وش عندك حسبالي بترجع للفلبين قالت بابا قلت وش فيه وقامت تصيح ومن خبالتي انا اللي قلت لها انه سوا معك شي قامت تسجد عند رجولي وتصيح وتقول اي يعني هي ماقالت شي بس تقول بابا وتصيح يمكن خافت انها تكذب او ماادري والله وقتها انعميت ورحت لزوجي والعن واسب واصيح وهو يناظرني مصدوم ولا حكى كلمه ويقول وش صاير وش فيك وماادري ايش وقلت له الموضوع وانكر بس ماحسيته محتاس بالعكس كان مره بارد وهادي وجا معي لعندها وقال لاتكذبين قالت هي بصراخ وصياح الا انا مااقول الا الحقيقه هي طبعا ماتتكلم الا انجلش وكل شوي اقولها لاتخافين انا اساندك وانا واقفه معك ومن هالكلام ويمكن انا فعلا غلطت لما قلت لها كذا المهم وقتها مااتغذينا وجا بيتكلم مع زوجي وكنت رافضه وضبيت اغراضي اقوله ودني لاهلي اللحين وهو بس كان مصدوم ويقولي وش هالمصيبه خلينا نلملم الموضوع قد مانقدر انا كنت منهبله منه كيف كذا كانه فعلا مسوي شي معها يعني ماانكر ولا جلس يفهمني او راح يوجهها بس يقول الموضوع لو طلع برى رحنا فيها لانه مره يداري سمعته قلت هذا همك قال انا اعرف كيف ارضيك والايام بتبين لك الحقيقه لكن اللحين هذي بتسوي لنا مصيبه لانها لما رجعوا قالت لزوجي افتح لي النت وفتحه لها وراحت راسلت السفاره وعلمتهم وزوجي خاف انه يكبر الموضوع بين الدولتين حتى فكان مره منهبل ومصدوم وماكانت له ردة فعل الا اني حسيت انه خايف ومتوتر انه اهم شي الموضوع مايطلع برى وعيا يوديني لاهلي وقال لازم توقفين معي ورفضت وقلت له اصلا انا صار لي فتره وانا استخير بالطلاق وربي بين لي الحق اللحين وقام حلف ع المصحف وانه يفقد صحته وعافيته وتجارته وامه وابوه انه ماقرب لها وقال اصلا لو ابيها كان لما جبتها من الرياض وانتي ماتذرين ولا احد يدري انها معي كان اتحرشت فيها وهي لما قلت لها قالت انه لمسني بس بالرياض مجرد لمسه باليد قال تكذب بس سلمت عليها سلام عادي يوم اخذتها من المطار انا ضعت مابينهم قلت لها وين رحتوا قالت وداني لبيته الثاني ووصفت لي المكان وهو يعمر حاليا ولما واجهته قال وحنا بالطريق انا اسولف معها واسالها وهي تسالني وقلت لها عن الشاليه حقنا ووريتها كل شي وفعلا زوجي قالي اني لقيت المستشفى مايستقبلون يقصد بنك الدم وطلعت ورحت للشاليه وانا مستعجل عندي عامل خبرني انه فيه خلل ماادري ايش بالضبط هناك ونزلت وتركتها بالسياره هي وصفت لي انه اغتصبها ووين المكان وقلت لها طيب وريني يالله قامت سكتت واحسها ترددت وشوي قالت لا هو كان لابس واقي يعني ماراح يبين شي وكل شوي اجي اقولها يمكن تغير رايها او يبين اذا كانت كذابه الا مصره وتقول هو جاني وانا متاكده وعقب اخذتها اسوي لها فحص حمل لاني اخذت الجوال وترجمت الرسايل اللي فيه وتبين لي كانها تقول انها حامل وحبيت اتاكد طلعت لا وقلت لها ترى انا شفت بالكاميرا هناك مافيه ابد شي من اللي تقولين وهو اصلا مافيه كاميرا بس حبيت اخوفها وقلت وديتك للدكتور ومافيه شي واقولها قولي الحقيقه قالت مالمسني ولاجاني قلت ليه تكذبين قالت ماراح تصدقيني قلت ليه غيرتي كلامك حتى لو ماراح اصدقك ماتكذبين وترجع تقول مره جاني ومره لا وثاني يوم كرهتها مره وكرهت زوجي معها لانو مو مبين شي لي وكنت جدا منهاره من دريت عن الخبر وبس ادعي ان الله يبين حقيقتهم لي جيت وواجتهها وقلت اباخذك للشرطه اللحين اخوي ضابط هناك وانا صادقه قالت لا خلاص ابتكلم معك انتي قلت قولي قالت هو اغتصبني قلت شوفي ترى اباخذك للشرطه وتقولين هالكلام وعلى فكره طول مااتكلم معها من دريت بالسالقع وانا جدا هاديه احاول قد مااقدر مااعصب ابد عشان تتطمن لو هي مكذبه ماتخاف مني اهم شي اعرف الحقيقه عن زوجي وتسكت ماترد عقب هذدتها انها راح تظل عندي ومافيه رواتب ولا جوال وانهارت قالت انا اسفه وتصيح عند رجولي انو زوجك مالمسني بس كان يبي وبعدها غيرت كلامها قالت ماجاني ولا لمسني ولا حتى قالي شي وبس تلحقني وتصيح وتقولي اسفه
انا خايفه انها قالت كذا بس عشان تطلع من عندنا لانها قايله لزوجي انا ماجبيت الشغل هنا ومدام ماتعطيني نت
واشوف لها مراسلات بالجوال تخبر فيها صديقاتها انها مغتصبه يعني مااعرف هل هي شاطره لدرجه هذي بالتمثيل عشان فعلا تضبط معها الخطه والسفاره يصدقونها كمان لاني سالتها قالت انا حطيت هالخطه وبعدها قلت لزوجي يواجهها دامه صادق ويقول اخاف اتهاوش معها قلت مو عارفه برودك هذا يدل انك فعلا لامسها وراح واجهها وقالها مو صار كذا وكذا وانتي مانزلي من السياره قالت الا قالها وش تبين قالت بيت ثاني
حنا ودينها للمكتب وجو السفاره وارجعت بكلامها وقالت اغتصبني وانا من يومها وانا عند اهلي ومعطيه زوجي حظر صحيح يجي يشوفني عند اهلي ويحلف ويقسم واحسه واثق جدا مو هامه شي وبس ادعي انو لو فعلا لامسها الله يفضحه لي بس هو يقولي المكتب واقفين بصفي والسفاره للحين مارسلت لي شي معناتهم مكذبينها او هي اتراجعت ويقول كلمت محامي وقالي انو مرت علي ٢٠ قضيه زي كذا والسبب يبن تعويض مادي عشان يرجعن لبلادهن وهن ماجلسن شهر بالسعوديه ومعهن رواتب ثلاث سنين من هالتعويض
انا حاليا قلت لزوجي ماابي ارجع اللحين لين ماتاكد برائتك وحتى معاملتي معه جدا رسميه وحظرته من الواتس بس هو يجي ياخذ الاعيال يمشيهم وكذا وقلت له اليوم اصلا من اول حنا مشاكل لذرجة كثير ازعل عند اهلي واللحين حلاص بعد هالمشكله جديا افكر بالطلاق وهو انهبل قال خوذي وقتك وارتاحي نفسيا لكن انتبهي تفكرين بالطلاق وراح تبين لك الايام برائتي
مو عارفه وش اسوي كل مشاكلي معه بجهه وهالموضوع بجهه ثانيه تكفون شوروا علي يعني مو مبين لي اذا زوجي صادق او كذاب مليت من التفكير ولا اقدر اصارح احد من اهلي بمشكلتي محد يدري عن شي